नारायणगढ -बुटवल सडक विस्तार याेजनाकाे कार्य प्रगति बढाउन छलफल

कावासाेती । नारायणगढ -बुटवल सडक विस्तार याेजना अपेक्षित रुपमा बढ्न नसकेको प्रति सराेकारवाला बिच समीक्षा भएको छ । जिल्ला समन्वय समित प्रमुख बाबुराम विश्वकर्मा , प्रमुख जिल्ला अधिकारी कृष्णप्रसाद लम्साल सहित सडक निर्माण याेजनाका प्रतिनिधि लगायतकाे उपस्थितमा छलफल भएको हाे ।
याेजनाकाे काम अपेक्षित रुपमा नभएकाले जति सक्दाे छिटो सम्पन्न गर्ने गरि कामलाई अघि बढाउने विषयमा छलफल गरिएको जिल्ला समन्वय समिति नवलपुरका प्रमुख बाबुराम विश्वकर्माले बताउनुभयो ।
समीक्षाका क्रममा सडक विस्तारकाे कामका लागि आवश्यक माटाेकाे उपलब्धता कम भएकाले निर्माणमा असर पुगेकाे पाइएकाले यस विषयमा पालिकासँग समन्वय गर्ने निर्णय समेत गरिएकाे जिसस प्रमुख विश्वकर्माले बताउनुभयो । “सबैकाे चिन्ता चाडाे बाटाे बनाेस भन्नेनै हाे, हामीले यस विषयमा छलफल गरेका छाै , आवश्यक माटाेकाे कमि भएको भन्ने पनि आयाे ,यसका लागि स्थानीय तहसँग समन्वय गर्ने कुरा भएको छ ” जिसस प्रमुख विश्वकर्माले भन्नुभयाे।
उहाँले थप भन्नुभयाे – ” हामी चिन्तित छाैं, काम अपेक्षित रुपमा उत्साहप्रद हुन नसकेको र सो को मुख्य कारण हाल Filling material (माटो) को उपलब्धता कम भएकोले भन्ने छ , सो को लागि सम्बन्धित पालिका प्रमुखहरुसंग समन्वय गरी यथाशीघ्र पर्याप्त मात्रामा माटो लगायतका River Material हरु उपलब्ध गराउन सबैले आ- आफ्नो तर्फबाट पहल गर्ने भन्ने छ।”
जिल्ला प्रशासन कार्यालय नवलपुरका प्रजिअ कृष्णप्रसाद लम्सालकाे अध्यक्षतामा सडक निर्माण याेजनाकाे समिक्षा बैठक बसेकाे हाे । प्रजिअ लम्साल केही दिन अघि मात्रै सुरुवा भएर आउनुभएको हाे । उहाँले केहिदिन अघि पत्रकारसँगकाे भेटमा नमूना सदरमुकाम र जिल्ला स्थित निर्माणकाे क्रममा रहेका विकासका याेजनालाई चाडाे सम्पन्न गर्न आफू समन्वयात्मक भूमिकामा लाग्ने बताउनुभएकाे थियाे ।