कावासोतीमा गैँडाको आक्रमणबाट दुई जना घाइते

कावासोती । नवलपरासी बर्दघाट सुस्ता पूर्व ( नवलपुरको) कावासोती नगरपालिकामा गैँडाको आक्रमणबाट दुई जना घाईते भएका छन् ।
वडा नम्बर ११ निवासी ३६ वर्षकी अनिता बोटेलाई आज बिहान साढे छ बजे घरमै आक्रमण गरेको वडा अध्यक्ष शारदा प्रसाद अधिकारीले जानकारी दिनुभयो । ट्वाइलेट जानेक्रममा बोटेलाई गैँडाले आक्रमण गरेको हो । घाईते बोटेको पुरानो मेडिकल कलेज भरतपुरमा उपचार भइरहेको छ । अवस्था चिन्ताजनक रहेको अध्यक्ष अधिकारीले बताउनुभएको छ ।
यस्तै कावासोती १२ गैरी निवासी ६० वर्षका निवासी टिकादत्त अधिकारीलाई पनि गैँडाले आक्रमण गरेर घाईते बनाएको छ । आज बिहान ९ बजे घर नजिकै बारीमा गैँडाले आक्रमण गरेको वडा अध्यक्ष दिपेश खनालले जानकारी दिनुभयो । घाईते अधिकारीको अहिले मध्यविन्दु जिल्ला अस्पतालमा उपचार भइरहेको छ ।