३ लाख ४१ हजारले गरायो महतो परिवारको उठिबास (भिडियो सहित)

नवलपुर । नवलपरासी पूर्व नवलपुरको कावासोती १४ हेगौली निवासी सोमकुमारी महतोको विचल्ली भएको छ । महतो परिवारको भएभरको सम्पती गुम्ने अवस्थामा पुगेको छ । विसं २०६५ पुस १२ गते सम्म पटक पटक कावासोती १६ निवासी सिता पोखे्रलसँग महतोले ३ लाख ४१ हजार रकम ३६ प्रतिशत व्याजमा लिनुभएको थियो । तर सो रकम २०७८ सालमा २८ लाख ३८ हजार पुगेको छ । त्यती मात्रै होइन महतोले लिएको रकम भुक्तानी गर्न १९ धुर जग्गा समेत २०७४ सालमा सिता पोखे्रेलको नाममा पास गरिदिनुभयो । र पनि लिएको साँवा सकिएन र २०७८ मा आउँदा २८ लाख बढि पुग्यो । यसले महतो परिवार अहिले बिचल्लीमा परेको छ ।
आफुँले रकम मिलानका लागि जग्गा दिँदा समेत अहिले फेरी २८ लाख बढि तिर्न बाँकी रहेको भनेर अदालतमा मुद्धाहालेपछि महतो परिवारको भएको १४ धुर जग्गा समेत जाने अवस्थामा पुगेको छ । यसले महतो परिवारको उठिबास लाग्ने भएको छ ।
पिडित महतोका अनुसार २०६५ सालमा लिएको ३ लाख ४१ हजार रकमको ०६८ मा १४ लाख २० हजार लेनदेन भनेर कागजात गरिएको थियो । पछि सोही रकमको मिलान भन्दै महतो परिवाले सिता पोखरेललाई २०७४ असोज २५ गते साविक अग्यौली ३ मा पर्ने १९ धुर जग्गा पास गरिदिएका थिए ।
जग्गा पास गरेपछि पटक पटक तमसुक च्यात्न आफूले भन्दा समेत नमानेको पिडित महतोको भनाई छ । सोही जग्गा पास पछि फेरी २ लाख कम जग्गाको मूल्याङ्कन गरि बाँकी रहेको भनेर पोखरेलले भनेपछि , व्याज नदिने सावा दिने सहमति भएको थियो । सो दुई लाख दिएपछि पुरानो १४ लाखको तमसुक च्यात्छु भनेपछि पोखरेलाई महतो परिवारले थप ५० हजार जग्गा पास गरेपछि दिएको पिडित सोमकुमारीले नवलपुर पे्रसलाई बताउनुभयो ।
सो आधारमा २०७४ मा महतो परिवारले जग्गा पास गरिदिएपछि १ लाख ५० हजार मात्रै बाँकी थियो । तर पछि पुरानो तमसुकको आधारमा २०७८ मा सिता पोखे्रलले २८ लाख ३८ हजार ४२३ रुपैँया असुल उपर गराईपाउ भनि जिल्ला अदालतमा मुद्धा हालेकी थिइन । मुद्धा परेको विषय थाहा पाएपछि महतो परिवारले सिता पोखरेलसँग सोधीखोजी गर्दा १ लाख ५० हजार दिनु तपाई अदालत जानुपर्दैन भनेर अलमलमा पारेको सोमकुमारीको गुनासो छ ।
पोखरेलले अदालतमा तिमिहरुको केही चल्दैन सबै मेरो चिनेजानेको छ भन्ने गरेको समेत पिडित महतोले बताउनुभयो । आफूहरु अन्योलमै रहेको समय जिल्ला अदालतबाट गएको जेठ ४ गते पोखे्रलको नाममा फैसला भएको उहाँको भनाई छ । आफूहरु ठगिमा परेको घटनामा अदालतले समेत आफूहरु विरुद्ध फैसला गरेपछि थप पिडित बनेको महतोले बताउनुभयो ।
आफूले लिएको रकम बराबर जग्गा दिएको भएपछि हाल पुरानो तमसुकका आधारमा जालसाजी गरि मुद्धा हालेकाले आफूहरु पिडित बनेको सोमकुमारीले बताउनुभयो । आफू ठगिमा परेकाले न्यायका लागि पहल गरिदिन उहाँले आग्रह गर्नुभएको छ ।
यस विषयमा रकम दिने सिता पोखे्रलसँग बुझ्दा उहाँले जग्गाको विषय फरक भएको र आफ्नो अरु धेरै कारोबार भएको बताउँदै हामीलाई फोनमा कुरा नगर्ने बताउँदै फोन राख्नुभयो ।

महतो परिवारले रकमको मिलानका लागि जग्गा दिएको बताउँदै आएको छ । सो बाहेक अन्य केहि कारोबार नभएको सोमकुमारीले बताउनुभयो । जग्गा लिएपछि फेरी पुरै बाँकी रहेको भनेर त्यसको ब्याज सहित २८ लाख बढि पुर्याएको महतो परिवारले भन्दै आएको छ ।मिटरब्याज सहित ढुकुटी कारोबारले धेरैको विचल्ली हुने गरेको छ । यस्ता घटना दिन प्रतिदिन बढ्दो देखिएपछि जिल्ला प्रहरी कार्यालयले यसको कारवाही र उजुरीका लागि नम्बर समेत सार्वजनिक गरेको छ ।

यस सम्बन्धी भिडियोका लागि यहाँ जानुहोस

https://www.facebook.com/nawalpurpress2077/videos/6036596879695804