नेपाल रेडक्रस सोसाइटी कावासोती उपशाखाद्धारा चोकचोकमा दाउराको प्रबन्ध

कावासोती – दिनानुदिन बढेको चिसोलाई मध्यनजर गर्दै नेपाल रेडक्रस सोसाइटी कावासोती उपशाखाले  चोकचोकमा दाउराको प्रबन्ध गरेको छ ।
कावासोती नगरपालिकाभित्रका विभिन्न चोकहरूमा दाउराको प्रबन्ध गरिएको हो । बढ्दो चिसोका कारण जनजिवन प्रभावित बनेको हुँदा चिसोबाट बच्न केही हदसम्म भए पनि राहत प्रदान होस् भन्ने उद्देश्यले दाउराको व्यवस्था गरिएको नेपाल रेडक्रस सोसाइटी कावासोती उपशाखाका अध्यक्ष बाबुराम कंडलले बताउनुभयो ।
बिशेषतः बाटोमा हिड्ने बटुवा र कार्यालयमा आउने सेवाग्राहीलाई चिसोले बढी प्रभाव पारेकाले, चोकचोक तथा विभिन्न कार्यालयमा दाउराको व्यवस्था गरी आगो ताप्न मिल्ने प्रबन्ध मिलाएको कंडेलको भनाई छ । यसबाट  आसपासका अन्य नागरिक समेत लाभान्वित हुने उहाँले बताउनुभयो ।
डिभिजन बन कार्यालय नवलपुरले दाउराको व्यवस्था गरेको र ढुवानीका लागि कावासोती नगरपालिकाले ट्रिपरको सहयोग गरेको कंडेलले जानकारी दिनुभयो ।