कावासोती । नवलपुरको कावासोतीमा रहेको कावासोती खानेपानी तथा सरसफाई उपभोक्ता संस्थाको पुस १६ गते हुने निर्वाचनको कार्यतालिका प्रकाशित भएको छ । जस अनुसार पुस १० गते उम्मेदवारको मनोनयन दर्ता सोहि दिन नामावली प्रकाशन, उम्मेदवारको मनोनयन माथि दाविविरोध , जाँच बुझ र नामावली प्रकाशनको कार्यक्रम रहेको छ ।
१२ गते उम्मेदवारको मनोनयन फिर्ता सोहि दिन अन्तिम नामावली प्रकाशन र १६ गते विहान ८ बजेदेखि साँझ ४ बजेसम्म मतदानको कार्यक्रम रहेको छ ।
निर्वाचन समितिको कार्यालयले कार्यसमिति र लेखा समितिको निर्वाचनका लागि मतदान हुने स्थलको नाम समेत सार्वजनिक गरेको छ । 
जस अनुसार कावासोती २ का लागि शिवमावि मतदान केन्द्र तय गरिएको छ । ३ का लागि शहिद स्मृति मावि, ५ का लागि कालिका मावि, ६ का लागि जनता मावि, ८ का लागि ज्ञानोदय मावि र ९ का लागि कावासोती आधारभुत विद्यालयलाई मतदान केन्द्र तय गरिएको छ ।
