नवलपुरमा बस दुर्घटना हुँदा ५ जनाको मृत्यु,तीस जना घाइते

तिर्थराज काफ्ले । नवलपुर  । नवलपरासी पूर्व नवलपुरमा बस दुर्घटना हुँदा ५ जनाको मृत्यु भएको छ । दुर्घटनामा परि ३० जना घाइते भएका छन् । बुलिङटार–२, मथारमा बस दुर्घटनामा परेको हो । ना ६ ख ७५ ८० नम्बरको बस दुर्घटनामा परेको जिल्ला प्रहरी कार्यालय नवलपुरका सूचना अधिकारी सन्तोस पाठकले बताउनुभयो । उहाँका अनुसार दुर्घटनामा परि ५ जनाको ज्यान गएको छ । तीस जना घाइते भएका छन् । घटनाको थप विवरण आउन बाँकी रहेको उहाँले बताउनुभयो । पाल्पाबाट बस छुटेको र गोरखा मनकामना दर्शका लागि हिडेका यात्रु बसमा सवार रहेको प्रारम्भिक रुपमा बुझिएको र थप विवरण आउन बाँकी रहेको उहाँले बताउनुभयो ।