मुख्य चार सडक निर्माण गर्न विनयी त्रिवेणीमा आठ करोड ५० लाख बिनियोजन

कावासोती । नवलपुरको विनयी त्रिवेणी गाउँपालिकाले आर्थिक वर्ष २०७९÷८० का लागि चार वटा मुख्य सडकका योजनाहरूमा बजेट बिनियोजन गरेको छ ।
दुम्किवास – सर्दी – धुर्कोट सडक कालोपत्रे गर्न चार करोड ५० लाख रुपैयाँ बिनियोजन गरेको छ । यस्तै गुम्बा – सिसेनी प्रतीक्षालय सडक निर्माण गर्न २ करोड बिनियोजन गरेको छ भने , सर्दी कनिकेसाल – चिसापानी – चुकाहा हुँदै भैँसीखोला सम्मको सडक स्तरोन्नति गर्न एक करोड ५० लाख बिनियोजन गरेको छ । यसैगरी दुम्किवास त्रिवेणी सडक खण्डको जिरो देखि बघुबन सम्म सडक निर्माण गर्न ५० लाख बिनियोजन गरेको छ ।
गाउँपालिका अध्यक्ष घनश्याम गिरीले गाउँपालिकाको मुख्य सडकका रुपमा यी चार वटा सडकलाई प्राथमिकतामा राखेर बजेट बिनियोजन गरेको बताउनुभयो । उहाँले बढी चाप हुने मुख्य सडकहरूको निर्माणलाई जनताकै आवश्यकता अनुसार प्राथमिकतामा राखेको बताउनुभयो । त्यसबाहेकका अन्य सडकहरू समेत स्तरोन्नति , मर्मत र निर्माणका योजना रहेको समेत बताउनुभयो । जनताकै अपेक्षा र माग अनुसार आफूहरूले नीति तथा कार्यक्रम र योजनाहरू राखेको बताउँदै उहाँले छिटो छरितो र गुणस्तरीय रुपमा काम गर्न समेत आफूहरूले पहल गर्ने बताउनुभयो ।