दोस्रो जितिया कप महिला फुटबल प्रतियोगिताको उपाधी वरचुली माविले उचाल्यो     

कावासोती । थारू महिलाहरूको महान पर्व जितियाको अवसर पारेर नवलपुरको कावासोती नगरपालिका १२ राजमन्दिरमा भदौ २६ गतेदेखि जारी दोस्रो जितिया कप महिला फुटबल प्रतियोगिताको उपाधी वरचुली मावि रजहरले उचालेको छ ।                                                        एभरेस्ट फुटबल क्लब चितवन र वरचुली मावी बिच शनिबार  भएको फाइनल खेलमा एकका विरुद्ध दुई गोलको अन्तरले वरचुली मावी बिजयी भएको हो ।   बिजयी हुन सफल वरचुली माविले नगद ५० हजार , शिल्ड मेडल र प्रमाणपत्र प्राप्त गर्न सफल भएको छ । भने दोस्रो हुने एभरेस्ट क्लब चितवनले नगद ३० हजार शिल्ड मेडल र प्रमाणपत्र प्राप्त गरेको डायमण्ड युथ सोसाइटीका सचिव नैनाराम थनेतले जानकारी दिनुभयो । यस्तै सर्वोत्कृष्ट खेलाडी ,  सर्वाधिक गोल कर्तालाई पनि ट्रफी प्रदान गरिएको थनेतले जानकारी दिनुभयो । यसैबीच प्रतियोगिताको आज एक कार्यक्रमका बीच समापन गरिएको छ । जिल्ला खेलकुद बिकास समिति नवलपुरका अध्यक्ष सेतमान पुनको प्रमुख आतिथ्यतामा कार्यक्रम भएको हो । प्रमुख अतिथि पुनले बिजेता उपबिजेतालाइ पुरस्कार ट्रफि प्रदान  गर्नुभएको थियो । कार्यक्रममा कावासोती १२ का अध्यक्ष दिपेश खनाल , सेन्ट्रल  कलेज कावासोतिका प्रमुख वाइ बि पौडेल लगायतको विशेष आतिथ्यता रहेको थियो । कार्यक्रम डायमण्ड युथ सोसाइटीका अध्यक्ष लीलामणि खनालको अध्यक्ष्ातामा भएको थियो ।