मध्यविन्दु । नवलपुरकाे मध्यविन्दु नगरपालिकामा दाेश्राे मध्यविन्दु नकआउट फुटबल प्रतियोगिता हुने भएको छ ।असाेज १ गतेदेखि दाेश्राे मध्यविन्दु नकआउट फुटबल प्रतियोगिता गर्न लागिएको क्लबका अध्यक्ष सुरेश कुमारले जानकारी दिनुभएको । चाेरमारा युवा क्लबकाे आयाेजनामा फुटबल प्रतियोगिता गर्न लागिएको हाे ।
असाेज १७ गते सम्म संचालन हुने प्रतियोगितामा नवलपुर ,चितवन ,रुपन्देही सहितका जिल्लाका १६ वटा टिमकाे सहभागीता रहने खेल संयाेजक भिम हमालले बताउनुभयो ।
आयाेजक चाेरमारा युवा क्लबले आज चाेरमारामा पत्रकार सम्मेलन गरि प्रतियोगिताकाे बारेमा जानकारी दिएको हाे ।
प्रतियोगितामा विजेता टिमले २ लाख २२ हजार २२२ र उपविजेता टिमले १ लाख ११ हजार १११ रुपैयाँ प्राप्त गर्ने क्लबका अध्यक्ष सुरेस कुमारले बताउनुभयो ।
खेल चाेरमारा स्थित नवजागरण नमुना मावि चाेरमारा रङ्गशालामा हुने आयाेजकले जनाएको छ ।
उद्वघाट खेल बाहेकका खेल अवलाेकनका लागि २० रुपैयाँ टिकट राखिएको छ।
प्रतियाेगिताकाे उद्वघाटन प्रदेश खेलकुद मन्त्री राजिव गुरुङ (दिपक मनाङ्गे)ले गर्ने कार्यक्रम रहेकाे आयाेजकले जनाएको छ।
