पल शाहलाई २ बर्ष छ महिना कैद सजाय

कावासाेती ।अभिनेता पल शाहलाई २ बर्ष ६ महिना कैद सजाय सुनाएको छ ।नवलपुर जिल्ला अदालत कावासोतीले आज पल शाहकाे मुद्दामा फैसला गर्दै सजाय सुनाएको हाे । अदालतका सुचना अधिकारी लाल बहादुर क्षेत्रीका अनुसार वालयाैन दुरुपयोग गरेको भन्दै २ वर्ष ६ महिना कैद सुनाएको हाे । जबर्जस्ती करणीकाे मुद्दामा जिल्ला अदालतले सफाइ दिएको छ ।
मुद्दाकाे फैसला गर्दै अदालतले २५ हजार जरिवाना र १० लाख क्षतिपूर्ति समेत ताेकेकाे सुचना अधिकारी क्षेत्रीले बताउनुभयो ।
फैसलामा बाबुआमालाई नाबालिक छाेरी अरुलाई छाडेकाे र संचार जगतलाई संवेदनशील विषय भएकोले समाचार सम्प्रेषणमा यथार्थ परक र संवेदनशील हुनुपर्ने भन्दै सचेत गराएको उहाँले बताउनुभयो ।