अवैद्य उत्खनन गर्दै गरेका ६ वटा ट्याक्टर नियन्त्रणमा

नवलपुरको बिनयी त्रिवेणी गाउँपालिका एक स्थित बिनयी खोलाबाट अवैद्य रुपमा उत्खनन गर्दै गरेका ट्याक्टरलाई नियन्त्रणमा लिएको छ ।
गएराति साढे १२ बजेको समयमा बिनयी खोलाबाट अवैद्य रुपमा ढुङगा गिट्टी वालुवा उत्खनन गर्दै गर्दा जिल्ला प्रहरी कार्यालयबाट खटिएको प्रहरी टोलीले लु ४ त २१२ , ना ७ त ३७९० , लु २ त २२१० , लु ४ त ९३० र एउटा नम्बर नखुलेको गरेरर पाँच वटा ट्याक्टर नियन्त्रणमा लिएको जिल्ला प्रहरी कार्यालयका सूचना अधिकारी प्रहरी नायव उपरीक्षक सन्तोष पाठकले जानकारी दिनुभयो ।
यस्तै कावासोती ३ स्थित केरुङगे खोलाबाट सामुदायिक प्रहरी टोलीले एउटा ट्याक्टर नियन्त्रणमा लिएको छ । लु ३ त ८१९० नं. ट्याक्टर ढुङगा लोड गर्दै गर्दा नियन्त्रणमा लिएको हो । नियन्त्रणमा लिएका ट्याक्टरलाई आवश्यक कारवाहीको लागि प्रहरी कार्यालयमा राखिएको छ ।