कावासोतीबाट लागुऔषध सहित दुई जना पक्राउ

कावासोती । नवलपुरको कावासोती नगरपालिका १६ चालिसकिलो जंगलमा लागुऔषध सहित २ जना पक्राउ परेका छन् ।
पक्राउ पर्नेमा देवचुली नगरपालिका वडा नं.१७ बस्ने वर्ष २६ को दिपक राना र सोही ठाउँ बस्ने वर्ष १९ को अभिषेक तामाङ रहेको जिल्ला प्रहरी कार्यालय नवलपुरले जानकारी दिएको छ । पूर्व पश्चिम राजमार्गमा पश्चिमबाट पूर्व तर्फ आउदै गरेको भे १ ख ३६७३ नं.बस चेकजांच गर्ने क्रममा उनीहरुसंग रहेको कालो झोलामा नुर्फिन ५० एम्पुल,फेनारागन ५० एम्पुल,डाइजापाम ५० एम्पुल लागुऔषद्य सहित फेला पारी नियन्त्रणमा लिएको प्रहरीले जनाएको छ । उनीहरुका बारेमा थप अनुषन्धान भइरहेको प्रहरीले जानकारी दिएको छ ।