मध्यविन्दुका विष्णु प्रसादको खोजी गरिदिन आग्रह 

कावासोती  । नवलपुरको मध्यविन्दु नगरपालिका आठ निवासी  २९ वर्षका विष्णु प्रसाद पाण्डेको खोजी गरिदिन परिवारले आग्रह गरेको छ ।
हिजो ( आइतबार ) बिहान घरबाट निस्किएपछि सम्पर्कमा नआएको हुँदा उहाँको खोजीमा सहयोग गरिदिन  आग्रह गर्नुभएको छ ।  उहाँका दाजु दामोदर पाण्डेका अनुसार उहाँ मानसिक रोगी हुनुहुन्छ , कोही कसैले कुरा गरेमा सोधपुछ गरेमा बोली पनि हाल्ने गर्नुहुन्छ नभए कोही कसैसंग पनि बोल्नुहुँदैन । उहाँले मानसिक रोगको औषधी समेत सेवन गर्दै आउनुभएको छ । उहाँको एकोहोरो हिँडिरहने बानी छ  ।
हिजो चोरामारा बाट कावासोती  तर्फ आएको जानकारी पाएको दाइ  दामोदरको भनाई छ । खोजतलास गर्दा फेला नपाएपछि आज प्रहरी चौकी चोरमारामा खोजी गर्न निवेदन दिएको  दाजु दामोदरले जानकारी दिनुभएको छ । कोही  कसैले फेला पारेमा ९८४६९६२०६७ , ९८४७४८३०८३ मा सम्पर्क गरिदिनु आग्रह गर्नुभएको छ ।