निर्वाचन विशेष : नवलपुरमा अध्यक्ष र उपप्रमुखमा दोहोरिए दुई महिला

कावासोती । भर्खर सम्पन्न स्थानीय तह निर्वाचनमा नवलपुरमा अध्यक्ष र उपप्रमुखमा दुई जना दोहोरिनु भएको छ ।
आठ वटा स्थानीय तह रहेको नवलपुरमा गत निर्वाचनमा हुप्सेकोट गाउँपालिकामा अध्यक्ष लक्ष्मी पाण्डे र देवचुली नगरपालिकाको उपप्रमुखमा पार्वता तिवारी विजयी हुनुभएको थियो । अध्यक्ष पाण्डे नेपाली काङ्ग्रेसको तर्फबाट विजयी हुनुभएको थियो । भने , उपप्रमुख तिवारी एमालेको तर्फबाट विजयी हुनुभएको थियो । अहिले सम्पन्न निर्वाचनमा पनि यी दुई जना विजयी हुनुभएको हो । हुप्सेकोटको अध्यक्षमा विजयी पाण्डेले गत निर्वाचनमा आफ्ना निकटतम  प्रतिस्पर्धी नेकपा एमालेका मेक बहादुर पुलामीलाई २४३ मतान्तरले पराजित गर्नुभएको थियो । पाण्डेले ४५९२ मत पाउनुभएको थियो । भने , पुलामीले  ४३५८ मत पाउनुभएको थियो ।
अहिले सम्पन्न निर्वाचनमा पाण्डेले एमालेकै उम्मेद्वार चेत बहादुर रानालाई  ७१४ मतले पराजित गर्दै विजयी हुनुभएको  छ । पाण्डेले ६४५५ र रानाले ५७४१ मत पाउनुभयो ।
यसैगरी देवचुली नगरपालिका उपप्रमुखमा पार्वता तिवारी दोश्रो कार्यकालका लागि दोहोरिनु भएको हो । गत निर्वाचनमा तिवारीले आफ्ना निकटतम प्रतिस्पर्धी नेपाली काङ्ग्रेसकी लक्ष्मी बस्ताकोटीलाई ३५९ मतान्तरले पराजित गर्नुभएको थियो । तिवारीले ८७५१ र बस्ताकोटीले ८३९२ मत पाउनुभएको थियो । तिवारीले अहिले भने नेपाली काङ्ग्रेस सहितको गठबन्धनलाई हराउँदै विजयी हुनुभएको छ । तिवारीले गठबन्धनको तर्फबाट माओवादी केन्द्रका उम्मेद्वार सत्यनारायण भुसाललाई फराकिलो मतान्तरले पराजय गर्नुभएको हो । एमालेकी तिवारीले ४५२१ मतान्तरले भुसाललाई पराजित गर्नुभयो । तिवारीले १२७४९ र भुसालले ८२२८ मत पाउनुभयो ।