चोरमारामा शनिबार लाग्ने हाटबजार अबदेखि मंगलबार लाग्ने हाट बजार स्थलमा

नवलपुरको मध्यविन्दु नगरपालिका सात चोरमारामा विगतमा शनिबार लाग्दै आएको साप्ताहिक हाटबजार पहिलेको ठाउँदेखि सरेको छ ।
यस अघि बजारदेखि दक्षिणतर्फ लाग्दै आएको शनिबारे साप्ताहिक हाटबजार आजदेखि मध्यविन्दु नगरपालिकाको कार्यालयदेखि पछाडीपट्टी मंगलबार लाग्ने साप्ताहिक हाट बजार स्थलमा सरेको हो । पहिले शनिबार लाग्ने हाटबजार स्थलमा नगरपालिकाले कृषि उपज संकलन केन्द्र निर्माण गर्ने भएपछि हाटबजारलाई सारिएको हो । आजबाट मंगलबार लाग्दै आएको हाटबजार स्थलमा नै शनिबारे हाटबजार लाग्ने हाट बजार व्यवस्थापन समिति पश्चिम सेक्टरका सहसचिव पदम मोक्तानले जानकारी दिनुभयो । पहिलेको ठाउँमा शनिबार लाग्ने हाटबजार सरेर आजदेखि मंगलबार लाग्ने हाटबजार स्थलमा बजार लाग्न थालेको जानकारी उहाँले ग्राहक वर्गमा गराउनुभएको छ ।