कावासोती । विद्युतीय राहदानी लिन मोलमोलाइ गरे कारवाही गरिने जिल्ला प्रशासन कार्यालय नवलपरासी पूर्वले जनाएको छ । प्रशासन कार्यालयले बिहीबार एक सूचना जारी गर्दै विद्युतीय राहदानीको अनलाइन फारमसँग सम्बन्धित कार्य गर्न निर्धारण गरिए भन्दा बढी शुल्क लिने, सेवाग्राहीहरू को अनलाइन फारम संकलन गरी राखी मोलमोलाइको आधारमा डेट बुक गर्ने कार्य गैर कानूनी भएकाले यस्तो नगर्न अनुरोध गरको छ । सहाय प्रमुख जिल्ला अधिकारी चित्राङ्गत बरालद्वारा हस्ताक्षरित सूचनामा यदि कसैले यस्तो कार्य गरेमा कार्यालयमा सूचना दिने सेवाग्राहीलाई अनुरोध गरिएको छ । साथै त्यस्ता गैरकानूनी कार्य गरे गराएको पाइएमा कडा कारवाही गरिने समेत सूचनामा उल्लेख गरिएको छ ।
विद्युतीय राहदानीको लागि प्रि इनरोलमेन्ट फारम भर्ने तथा फोटो खिच्न समेत मिति र समय लिनका लागि सेवाग्राहीहरू सँग मोलमोलाइ गरी धेरै रकम असुल गर्ने तथा धेरै जनाको विवरण संकलन गरि मोलमोलाइको आधारमा बढि पैसा दिनेको डेट बुक गर्ने गरेको सेवाग्राहीको गुनासो रहेको छ । 
