मेयर कप फुटबल प्रतियोगिता : वडा न. १६ र ४ विजयी

कावासोती । गत फागुन ३० गतेदेखि कावासोतीमा सुरु भएको चौथो मेयर कप फुटबल प्रतियोगितामा सोमबार भएको पहिलो खेलमा कावासोती वडा न. १६ विजयी भएको छ ।
वडा न. १६ ट्राईबे्रकरमा तिन एक गाले अन्तले विजयी भएको हो । वडा न. १४ र १६ बीच भएको खेलमा निर्धारित समयमा एक एक गोलको बराबरी भएपछि खेल ट्राईबे्रकरमा गएको थियो । पहिलो खेलमा १६ न. का पवन परियार म्यान अफ दी म्याच घोषित हुनुभएको छ ।
यस्तै दोश्रो खेलमा वडा न. ४ विजयी भएको छ । वडा न. ४ र वडा न. ७ को बीचमा भएको खेलमा तिन शुन्य गोल अन्तरले वडा न. ४ विजयी भएको डायमण्ड युथ सोसाईटीका सचिव नैनाराम थनेतले जानकारी दिनुभयो । वडा न. ७ को दिनेश महतो म्यान अफ दि म्याच हुनुभएको छ ।
यस्तै मंगलबारको खेल पहिलो वडा न. ११ र ५ र दोश्रो खेल वडा न. ३ र १ बीच हुने थनेतले जानकारी दिनुभयो । प्रतियोगितामा १७ वटा टिमको सहभागिता रहेको छ । चैत्र ११ गते कावासोती नगरपालिकाका जनप्रतिनीधि र कर्मचारीबीच मैत्रीपूर्ण खेल हुने समेत थनेतले जानकारी दिनुभयो । प्रतियोगिताको फाईनल खेल चैत्र १२ गते हुनेछ ।
कावासोती १२ स्थीत राजमन्दिर खेल मैदानमा प्रतियोगिता आयोजना भएको छ ।
कावासोती नगरपालिकाको आयोजना , डायमण्ड युथ सोसाईटीको सहआयोजना तथा कावासोती वडा न. १२ को समन्वयमा प्रतियोगिता आयोजना भएको हो ।