कावासोती मेयर कप फुटबल प्रतियोगिता : ७ र १४ विजयी

कावासोती । कावासोतीमा जारी मेयर कप फुटबल प्रतियोगितामा बुधबार भएका दुई खेलमा कावासोती ७ र १४ विजयी भएका छन् । बुधबार कावासोती ६ र ७ बिच भएको खेलमा कावासोती ७, २ –० गोल अन्तरले विजयी भएको हो । ७ को जितका लागि सुरज महतोले आफ्नो व्यक्तिगत दुई गोल गरेका थिए ।
दोश्रो खेलमा १४ विजयी भएको छ । २ र १४ विच भएको खेलमा १४, ३–२ गोल अन्तरले विजयी भएको हो । १४ को जितकालागि जर्सी नम्बर ७ का अभिषेख रानाभाटले ह्याट्रिक गरेका थिए ।
प्रतियोगितामा तीन र चार गते कुनै पनि खेल हुने छैन् । होलीका कारण दुई दिन खेल स्थगित गरिएको छ । ५ गते वडा नम्बर ५ र १२ यसै गरि ३ र १३ बिच खेल हुने जनाइएको छ ।
प्रतियोगितामा १७ वटा टिमको सहभागिता रहेको छ । चैत्र ११ गते कावासोती नगरपालिकाका जनप्रतिनीधि र कर्मचारीबीच मैत्रीपूर्ण खेल हुने जनाइएको छ । प्रतियोगिताको फाईनल खेल चैत्र १२ गते हुनेछ ।
कावासोती १२ स्थीत राजमन्दिर खेल मैदानमा प्रतियोगिता आयोजना भएको छ ।