संरक्षणमा युवाकाे भूमिका महत्त्वपूर्ण छ : सांसद महत

अमलटारी । वन र वन्यजन्तु संरक्षणमा युवाकाे भूमिका महत्त्वपूर्ण रहेकाे सांसद महतले बताउनु भएकाे छ । समुदायमा आधारित चाेरी सिकार नियन्त्रण युवा जागरण अभियान ,कावासाेती १५ अमलटारीकाे आयाेजनामा भएकाे चाेरी शिकार नियन्त्रण युवा जागरण राष्ट्रिय दिवसकाे कार्यक्रममा बाेल्दै सांसद महतले युवाहरुकाे अभियानका कारण वन्यजन्तुको संरक्षणमा ठूलो टेवा पुगेको बताउनुभयो ।
उहाँले संरक्षणमा युवाहरुलाई नथाकी थप सशक्त रुपमा लाग्न समेत शुभकामना दिनुभयाे ।
वन्यजन्तु संरक्षण गर्दै यश क्षेत्रलाई पर्यटनको हब बनाउन लाग्नुपर्ने समेत उहाँले बताउनु भयाे । यसकाे लागि युवा , समुदायले चालेका हरेक अभियानमा आफ्नो साथ रहने सांसद महतले बताउनुभयाे।
उहाँले घाइते वन्यजन्तुको उपचारका लागि उपचार केन्द्र खडा गरि संरक्षण अभियानलाई थप सशक्त बनाउदै जानुपर्ने बताउनुभयो । यसका लागि राज्यले समन्वय गर्नुपर्ने बताउनुभयो ।
कावासाेती नगरपालिका उप प्रमुख प्रेमशंकर मर्दनिया थारुले विगतका दिनमा यश क्षेत्रमा वन्यजन्तु चाेरी शिकारकाे दर्दनाक स्थिति रहेकाे स्मरण गर्दै सबै मिलेर संरक्षणकाे अभियान चलाएका कारण अहिले लगातार शून्य चाेरी शिकार वर्ष मनाउन सफल भएकाे बताउनुभयो ।
उहाँले यश क्षेत्रमा वन र वन्यजन्तु संरक्षण सहित , पर्यटकीय गतिविधि संचालन गर्दै दिगाे पर्यटन विकासमा जाेड दिदै आएकाे बताउनुभयो । जसका कारण यहाँको आर्थिक विकास र राेजगारी शिर्जना भएकाे बताउनुभयाे ।
कार्यक्रममा संरक्षणमा खटिएका युवाहरुले आफ्नो अनुभव सुनाएका थिए । साथै संरक्षणमा लाग्नेहरुलाई सम्मान समेत गरिएको थियाे ।
किशोर कुमार महताेकाे अध्यक्षता सांसद तिलक महतकाे प्रमुख आतिथ्यतामा भएकाे कार्यक्रममा ,कावासाेती नगरपालिका उप प्रमुख प्रेमशंकर मर्दिया थारु, कावासाेती १५ का अध्यक्ष देवनारायण महताे, १७ का वडा सदस्य लिला बहादुर थारु, गुन्द्रुही ढकाहा मध्यवर्ती सामुदायिक वनका अध्यक्ष नर बहादुर महताे, संरक्षणकर्मी लगायतकाे कार्यक्रममा सहभागीता रहेकाे थियाे । कार्यक्रमकाे सहजिकरण सिमन महताेले गर्नु भएको थियाे ।