एकीकृत शक्ति नेपाल नवलपुरको जिल्ला सहकर्मी प्रारम्भिक भेला सम्पन्न

कावासोती ।  एकीकृत शक्ति नेपालको जिल्ला सहकर्मी प्रारम्भिक भेला नवलपुरमा भएको छ । विकल्प चाहनेका लागि परिवर्तन सम्भव छ भन्ने नाराका साथ नयाँ दल एकीकृत शक्ति नेपालले नवलपुरमा जिल्ला सहकर्मी प्रारम्भिक भेला गरेको हो । 

पार्टीका केन्द्रिय  अध्यक्ष देव प्रसाद त्रिपाठीले भेलालाई सम्बोधन गर्नुभएको थियो । कावासोतीको शहीद स्मृति विद्यालय नजिक रहेको पार्टी कार्यालय भवनमा भेला सम्पन्न भएको हो । भेलाले माधव प्रसाद लम्सालको अध्यक्षतामा जिल्ला तदर्थ समिति गठन गरेको छ । २० सदस्यीय तदर्थ समिति गठन गरिएको हो । भेलामा पार्टी  महासचिव डा. विपी तिमिल्सिनाले पार्टी भावी रणनिति र कार्यक्रमको बारेमा बोल्नु भएको थियो ।