गुणस्तरीय शिक्षा नै शिक्षा क्षेत्र विकासको आधार हो ः सरोकारवाला

कावासोती ।   विद्यार्थीलाई गुणस्तरीय शिक्षा प्रदान गर्ने कुरामा विद्यालय गम्भिर हुनुपर्नेमा एक कार्यक्रमका वक्ताहरुले जोड दिएका छन् ।
बुधबार कावासोती दुईमा रहेको शिव नमुना माविको ४८ औँ वार्षिक उत्सव तथा अभिभावक दिवस समारोहमा बोल्ने वक्ताहरुले गुणस्तरीय शिक्षा नै शिक्षा क्षेत्रको समग्र विकासको आधार हुने बताउनुभएको थियो । कार्यक्रममा प्रमुख अतिथी कावासोती नगरपालिका प्रमुख चन्द्र कुमारी पुन , प्रमुख जिल्ला अधिकारी मनमाया पंगेनी , जिल्ला प्रहरी कार्यालयका प्रमुख प्रकाश मल्ल , शिक्षा विकास तथा समन्वय ईकाई नवलपुर प्रमुख कृष्णचन्द्र पोख्रेल , कावासोती नगरपालिकाका नगर शिक्षा अधिकारी क्षेत्र वहादुर भण्डारी , लगायतका अतिथीहरुले बोल्दै शैक्षिक गुणस्तर कायम राख्दै फरक र नयाँ किसिमका शैक्षिक कार्यक्रम गरेर फरक पहिचान बनाउने काममा शिव नमुना मावि अग्रसर हुन सुझाव समेत दिनुभएको थियो । विद्यालयहरुले समय सापेक्ष शैक्षिक भौतिक सुधार गर्न आवश्यक रहेकोमा जोड दिनुभएको थियो । समभावनाले सामुहिक रुपमा काम गर्न सकेमा मात्रै हरेक क्षेत्रको विकास छिटो हुने भन्दै विद्यालयभित्र सबै समान हुन भन्ने भावना राख्नुपर्ने बताउनुभएको थियो ।

यस्तै अभिभावकहरुले आफ्ना छोराछोरीलाई पढाई मात्रै नभई अतिरिक्त कृयाकलापमा समेत सहभागि हुन अभिप्रेरित गर्ने , सहभागि हुन खोज्दा नरोक्ने, घर , समुदाय नै विद्यार्थीको पहिलो पाठशाला भएकाले विद्यार्थीलाई असल कामका लागि अभिप्रेरित गरिरहनु पर्नेमा वक्ताहरुले जोड दिनुभएको थियो । विद्यार्थी नै भोली देशको भविश्य निर्माण गर्ने कर्णधार भएकाले राज्यले विद्यार्थीसंग धेरै अपेक्षा राखेको भन्दै, राज्यले पनि शिक्षा क्षेत्रको विकासका लागि नीति , कार्यक्रम र बजेट बिनियोजन लगायतका काममा प्राथमिकता दिन सुझाव दिनुभयो । यस्तै विद्यालयभित्र विद्यार्थीलाई कुटपिट गर्ने , मानसिक तनाव दिने , यौन दुव्र्यहार जस्ता कृयाकलाप समेत हुने गरेका घटनाहरु बहिर आउने गरेकाले यस्ता आपराधिक कृयाकलाप विद्यालय हाताभित्र हुन नहुनेमा वक्ताहरुको जोड थियो ।
कार्यक्रममा विद्यालयको वार्षिक प्रगती प्रतिवेदन विद्यालयका प्रध्यानाअध्यापक अर्जुन प्रसाद पौडेलले प्रस्तुत गर्नुभएको थियो । उहाँले गत आर्थिक वर्षमा नमुना विद्यालय शैक्षिक तथा व्यवस्थापकीय योजना अन्र्तगत सोलार प्यानल , ब्याट्री ईन्भटर , कम्प्युटर , ल्यापटप , प्रिन्टर , स्मार्ट प्रोजेक्टर लगायत खरीद गरि व्यवस्थापन गरिएको , सिसि क्यामेराको थप व्यवस्थापन सहित कक्षा शिक्षण तथा विद्यालय परिसरको निरन्तर अनुगमन र पृष्ठपोषण गरिने , विज्ञान विषयका लागि सुविद्या सम्पन्न प्रयोगशाला , आईएसए कार्यक्रम अन्र्तगत, विद्यार्थीहरुले कागती , अदुवा बेसार लगाउतका खेती आफैँ गर्दै आएको साथै विभिन्न कार्यक्रम सञ्चालन गरिएको , मावि शैक्षिक भवन पहिलोको निर्माण सम्पन्न गरि दोश्रो भवनको निर्माण कार्य अन्तिम चरणमा पु¥याईएको लगायत विषयमा उहाँले प्रतिवेदन प्रस्तुत गर्दै जानकारी गराउनुभएको थियो । यस्तै कार्यक्रममा शिक्षक अभिभावक संघका अध्यक्ष शशिधर चापागाईंले सामाजिक परिक्षण प्रतिवेदन प्रस्तुत गर्नुभएको थियो ।
हिमालयन बैङ्कले स्थापना गरेको छात्रबृत्ति वितरण , चार वटा अक्ष कोष घोषणा , विद्यालयलाई सहयोग पु¥याउने व्यक्तीत्वहरुलाई सम्मान तथा अतिरिक्त कृयाकलापमा उत्कृष्ट भएका विद्यार्थीहरुलाई पुरस्कार वितरण लगायतका कार्यक्रम भएको थियो । विद्यार्थीहरुले नृत्य प्रस्तुत समेत गरेका थिए ।
यसैगरि विद्यालयमा स्थापना गरिएको स्वास्थ्य परामर्श केन्द्र तथा प्राथमिक स्वास्थ्य उपचार कक्षको समेत उद्घाटन गरिएको छ । प्रमुख अतिथी चन्द्र कुमारी पुन , प्रमुख जिल्ला अधिकारी मनमाया पंगेनी , भरतपुर अस्पतालका अध्यक्ष डां भोजराज अधिकारीले संयुक्त रुपमा उद्घाटन गर्नुभएको थियो । उक्त स्वास्थ्य केन्द्रमा एक जना नर्स (बीएन ) को व्यवस्था गरिएको छ ।
कार्यक्रम विद्यालय व्यवस्थापन समितीका अध्यक्ष बावुराम बिश्वकर्माको अध्यक्षतामा भएको थियो । कार्यक्रममा विभिन्न सामाजिक व्यक्तीत्व , शिक्षक , विद्यार्थी , अभिभावकहरुको सहभागिता रहेको थियो । कार्यक्रममा शिक्षक छविलाल अर्यालले सहजीकरण गर्नुभएको थियो ।