अवसर पायौँ तर काम गर्न धेरै चुनौती छ ः महिला जनप्रतिनीधी

कावासोती ।  जनप्रतिनिधी हुँदै गर्दा अवसरहरु पाए पनि विभिन्न समस्याबाट गुज्रिन परेको एक कार्यक्रममा बोल्ने वक्ताहरुले बताउनुएको छ ।
लैङ्गिक हिंसा विरुद्धको १६ दिने अभियान अन्तरगत शुक्रबार कावासोतीमा भएको महिला हिंसा न्युनीकरणमा स्थानीय न्यायीक निकायको भुमिका विषयक अन्तरकृया कार्यक्रममा बोल्ने महिला जनप्रतिनीधिहरुले उक्त कुरा बताउनुभएको हो । अखिल नेपाल महिला संघ ( अनेमसंघ) नवलपुरकले उक्त कार्यक्रमको आयोजना गरेको थियो ।
जिल्लाका विभिन्न स्थानीय तहमा न्यायीक समिति , कार्यपालिका सदस्य तथा वडा सदस्य रहेका महिला जनप्रतिनीधिहरुले कतिपय पुरुष वडा अध्यक्ष र सदस्यहरुले समेत महिला भएकै कारण केहि जान्दैनन् , महिलालाई केहि थाहा छैन् , समय दिन भ्याउदैनन् भन्ने सोँच राखेर खबर नगर्ने , जानकारी नदिने गरेको बताउनुभयो । महिलाहरु काम गर्नका लागि सक्षम रहे पनि कतिपय पुरुष सहकर्मीहरुबाट नै असक्षम सावित गर्न , आत्मवल गिराउने खालका कृयाकलाप हुँदा निकै दुःख लाग्ने गरेको बताउनुभएको थियो । जनप्रतिनीधी भएकै कारण धेरै कुरा सिक्ने अवसर पाएपनि महिलाहरुमाथी हेर्ने दृष्टिकोणमा अझै पनि पुरातनवादी सोँच हावी हुँदा महिलाहरुले अवसरलाई सफलतामा परिणत गर्न भने निकै चुनौती रहेको बताउनुभएको थियो । जनप्रतिनिधी भईसकेपछि धेरैले सहयोग माग्ने , सम्पर्क गर्ने , कार्यक्रममा बोलाउने हुँदा ती कार्यक्रमहरुमा पुग्न घरधन्दा बालबच्चा सबै जिम्म्ेवारी पुरा गरेरै पुग्नुपर्दा महिलाका लागि चुनौति हुने । तर , ती सबै जिम्मेवारी पुरा गरेरै आफुहरुले आफ्नो कर्तव्य समेत निभाएको उहाँहरुले बताउनुभएको थियो । घरधन्दा र जनप्रतिनीधिको समेत जिम्मेवारी निभाएर समाजमा अग्रसर हुँदा समेत महिलाले केही गर्न सक्दैनन् भन्ने साँेच परिवर्तन हुन नसकेको उहाँहरुको भनाई थियो ।
अझै पनि पुरुषहरुले महिला बालबालिका तथा लक्षित वर्गका बजेटलाई विभिन्न भौतिक विकास निर्माणमा लगाउन प्रस्ताव गर्ने परिपाटी रहेको भन्दै त्यस्ता कुरा आउँदा महिला सदस्यहरुले खबरदारी गर्ने काम गर्त आवश्यक रहेकोमा जोड दिईएको थियो ।
कार्यक्रममा प्रदेश सभा सदस्य लक्ष्मी सुनार , कावासोती नगरपालिका उपप्रमुख प्रेम शंकर मर्दनीया , अनेमसंघ केन्द्रिय सदस्य सीता पंगेनी लगायतले बोल्नुभएको थियो ।
अनेमसंघ केन्द्रिय सदस्य तथा नेकपा एमाले केन्द्रिय लेखा आयोग सदस्य पदमा जिशी श्रेष्ठको प्रमुख आतिथ्यता तथा , अनेमसंघ नवलपुर अध्यक्ष लिला थनेतको अध्यक्षतामा भएको थियो ।
कार्यक्रममा अनेमसंघ नवलपुर सचिव कोपिला पौडेलले सहजीकरण गर्नुका साथै कार्यपत्र समेत प्रस्तुत गर्नुभएको थियो ।