लैङ्गिक हिंसा विरुद्धको १६ दिने अभियानको अवसरमा कावासोतीमा दीप प्रज्वलन

कावासोती । लैङ्गिक हिंसा विरुद्धको १६ दिने अभियानको अवसरमा कावासोती नगरपालिकामा दीप प्रज्वलन गरिएको छ । कावासोती नगरपालिकाको आयोजनामा नगरपालिका परिसरमा दीप प्रज्वलन गरिएको हो । अभियानको अवसरमा कावासोती नगरपालिका प्रमुख चन्द्र कुमारी पुनले दीप प्रज्वलन गरि ‘म हिंसा गर्दिन , म हिंसा सहन्न ,हिंसा भएको देखेमा प्रतिकार गर्दछु ’ भन्ने प्रतिवद्धता ब्यानरमा हस्ताक्षर गरि अभियानको शुरु गर्नु भएको थियो ।

‘घरबाटै शुरु गरौँ ,महिला हिंसा अन्त्य गरौं ’भन्ने नाराका साथ १६ दिने अभियान बिहिबारबाट शुरु भएको हो । कावासोतीमा भएको कार्यक्रममा नगर प्रमुख पुन सहित कावासोती नगरपालिकाका निमित्त प्रमुख प्रशासकीय अधिकृत क्षेत्र बहादुर भण्डारी, स्वास्थ्य शाखा प्रमुख कृष्ण नागिला, बालबालिका तथा ज्येष्ठ नागरिक शाखा प्रमुख शुसिला तिम्सेना,सूचना अधिकारी मुक्ती प्रसाद बसेल लगायत कावासोती नगरपालिका कर्मचारीहरूको उपस्थिति रहेको थियो ।