कावासोती ।कावासोतीमा निशुल्क माटो परिक्षण शिविर सुरु भएको छ । कावासोती नगरपालिका वडा नम्बर ५ को कार्यालयबाट शिविरको सुरु गरिएको हो । कावासोती नगरपालिका प्रमुख चन्द्र कुमारी पुनले सोमबार शिविरको उद्घाटन गर्नुभएको हो ।
कावासोती नगरपालिका कृषि तथा पशुपन्छी विकास शाखा र खेतीको प्राविधिक सहयोगमा निशुल्क माटो परिक्षण शिविर सुरु गरिएको कावासोती नगरपालिका कृषि तथा पशुपन्छी विकास शाखाका प्रमुख डा। टेकराज पौडेलले बताउनुभयो ।
सोमबार वडा नम्बर १ देखी ६ सम्मका वडाका कृषहरूलाई लक्षित गरि कावासोती ५ मा शिविर सञ्चालन गरिएको छ । ७ गते वडा नम्बर ७ देखी १० सम्मका लाभग्राहीका लागि वडा नम्बर १० को कार्यालय, ८ गते ११ देखी १३ नम्बर वडाका लागि १२ नम्बर वडा कार्यालय , ९ गते १४ देखी १६ सम्मका लाभग्राहीका लागि वडा नम्बर १४ को कार्यालय र १० गते वडा नम्बर १७ का लाभग्राहीका लागि वडा नम्बर १७ को कार्यालयमा निशुल्क माटो परिक्षण शिविर हुने डा। पौडेलले जानकारी दिनुभयो ।
शिविरको उद्धघाटन कार्यक्रम कावासोती नगरपालिका प्रमुख चन्द्र कुमारीको प्रमुखको प्रमुख आतिथ्यता , आर्थिक विकास समितिका संयोजक लक्ष्मीप्रसाद पौडेलको अध्यक्षता , वडा नम्बर ५ का वडा अध्यक्ष हरिप्रसाद बास्तोला लगायतको उपस्थितमा भएको थियो ।
शिविरमा माटोमा नाइट्रोजन ,फस्फोरस, पोटास र अम्लीयपनाको अवस्था कस्तो रहेको छ भन्ने जाँच हुने र माटो सुधारका लागि गर्नुपर्ने कार्यका बारेमा कृषकहरूलाई जानकारी प्रदान गरिने डा। टेकराज पौडेलले बताउनुभयो ।
