पर्यटन मजदुर र श्रमिकहरूलाई राहत उपलब्ध गराइने

कावासोती । पर्यटन ,उद्योग वाणिज्य तथा आपूर्ति मन्त्रालय गण्डकी प्रदेशले पर्यटन मजदुर श्रमिकहरूलाई राहत प्याकेज उपलब्ध गराउने भएको छ । प्रदेशका ११ वटै जिल्लाका पर्यटन मजदुर/ श्रमिकहरूलाई  राहत वितरण गर्न लागिएको मन्त्रालयले जनाएको छ ।
राहत कार्यक्रममा सहभागि हुन जिल्ला स्थित घरेलु तथा साना उद्योग कार्यालयमा निवेदन दिन सकिने घरेलु तथा साना उद्योग कार्यालय नवलपुरका प्रमुख सागर खनालले बताउनुभयो । मन्त्रालयले यही मंसिर ३ गते एक हप्ताको समय दिएर सूचना प्रकाशन गरि निवेदन माग गरेको छ ।