डेढगाउँमा आयोजित बिच भलिबल प्रतियोगिताको उपाधि अकला देवी युथ क्लबलाई

राजु श्रेष्ठ । डेढगाउँ । हरिबोधनी एकादशी को  अवसर पारेर नवलपुरको डेढगाउँमा आयोजना गरिएको बिच भलिबल प्रतियोगिताको उपाधि अकला देवी युग क्लबले  उचालेको छ । नमुना लाइन्स क्लबको आयोजनामा बौदिकाली २ डेढगाउँ स्थित बालिघाटमा सम्पन्न बिच भलिबल प्रतियोगितामा  आयोजक क्लबलाई पराजित गर्दै उपाधि अकेलादेवी युथ क्लबले  उचालेको हो । उपाधि उचाल्न सफल अकला देवीले ३० हजार नगद सहित  मेडल र प्रमाण पत्र प्राप्त गरेको छ । उपविजेतामा चित्त बुझाएको आयोजक क्लबले २० हजार ,मेडल र प्रमाण पत्र प्राप्त गरेको छ । प्रतियोगितामा बिभिन्न १७ टिमको सहभागिता रहेको थियो । 

प्रतियोगिताको समापन कार्यक्रममा बौदिकाली गाउँपालिकाका अध्यक्ष दुर्गा बहादुर राना, प्रमुख प्रशासकीय अधिकृत प्रदीपचन्द्र सुवेदी, वडा नम्बर २ का वडा अध्यक्ष वाल प्रसाद ठाडा लगायत बिभिन्न राजनीतिक दलका प्रतिनिधि, स्थानीय समाजसेवी लगायतको उपस्थिति रहेको थियो ।