मदिरा सेवन गरि कार्यालयमा मस्त निद्रामा सरकारी कर्मचारी

कावासाेती । सरकारी कर्मचारी कार्यालय समयमा मदिरा सेवन गरि लठ्ठ निद्रामा भेटिएका छन् । बिहिबार ११:३० बजे कावासाेती नगरपालिकाकाे दर्ता चलानी शाखा पुग्दा शाखाका कर्मचारी कुर्सीमा मस्त निद्रामा थिए । तेतीमात्र हाेइन शाखाका कर्मचारी यम प्रसाद भुषाल रहेकाे कार्यकक्ष मदिरले डुङ्ग डुङ्ग गनाएकाे थियाे ।
कार्यालय समयमा जनतालाई सेवा दिनुपर्नेमा मदिरा सेवन गरि जाने र कार्यकक्ष मा मस्त निदाउनु गम्भीर विषय बनेकाे छ। सहायक पाँचौ तहका कर्मचारी भुषाल यस अघि समेत कार्यालयमा मदिरा सेवन गरि आउने गरेकाे जनाइएको छ ।
कावासाेती नगरपालिकाका सुचना अधिकारी मुक्ति बसेललाई यस विषयमा बुझ्दा कार्यालयले भुषाललाई  यस अघि नै  मदिरा सेवन  गरि  कार्यालय  नआउन भनी  सचेत गराएकाे बताउनुभयो । उहाँले यस विषयमा  थप प्रक्रिया अगाडि  बढाउने बताउनुभयाे ।