कावासोती । लागू पदार्थ दुर्व्यसनी, बालविवाह र दाइजो प्रथा विरुद्ध सडक नाटक प्रर्दशनी गरिएको छ । कावासोती नगरपालिकाको आयोजनामा लागू पदार्थ दुर्व्यसनी, बालविवाह र दाइजो प्रथा विरुद्ध सचेतना जगाउन नाटक प्रर्दशनी गरिएको कावासोती नगरपालिका प्रमुख प्रशासकीय अधिकृत रमेश घर्तीले बताउनुभयो ।
कलाकारहरूको टोलीले कावासोतीको गोछडा चोक, त्रिभुवनटार, हसौरा, मगरकोट ,कालिका चोक, गैंडा चोक र फलफूल चोकमा गरि ७ स्थानमा लागू पदार्थ दुर्व्यसनी, बालविवाह र दाइजो प्रथा विरुद्ध नाटक प्रदर्शन गरेका छन् । नगरपालिका भित्र यस्ता विभिन्न सामाजिक विकृति अझै पनि कायम रहेकाले यसलाई रोक्न सचेतनामूलक नाटक प्रर्दशनी गरिएको प्रमुख प्रशासकीय अधिकृत घर्तीले बताउनुभयो । नाटकलाई चाख मानेर दर्शकले हेर्ने र प्रभावकारी सञ्चार हुने महसुस गरि सचेतनाका लागि नाट्य प्रदर्शन रोजिएको उहाँले बताउनुभयो ।
कलाकारहरूको टोलीले कावासोतीका बिभिन्न दश स्थानमा लागू पदार्थ दुर्व्यसनी, बालविवाह र दाइजो प्रथा विरुद्ध नाटक प्रदर्शन गर्ने उहाँले बताउनुभयो । भाइब्रेसन मिडिया मार्फत कलाकारहरूको टोलीले नाटक प्रर्दशनी गरिरहेका छन् । टोलीमा राष्ट्रिय कलाकार रामचन्द्र अधिकारी (गोप्ते काजी),सुरेस असिम , दिपिका थापा, सहितका कलाकारको समेत सहभागिता रहेको छ ।
बिभिन्न स्थानमा प्रर्दशनी गरिएका नाटकहरूमा दर्शकको उल्लेख्य उपस्थित रहेको छ । बुधबार कलाकारहरूको टोलीले कावासोतीको थकाली चोक,विष्णुनगर र पिठौलीमा नाटक प्रर्दशनी गर्ने योजना रहेको ।
