दलदले । देवचुली नगरपालिकामा रहेको प्रगतिनगर खानेपानी तथा सरसफाइ उपभोक्ता संस्थाको टोल फ्रि नं १६६०७८५२००५ मा फोन गर्दा उपभोक्ताको पैसा नकाट्ने प्रणाली लागू गरिएको छ । गत मंगलबार देखि प्रगतिनगर खानेपानी संस्थाले यो प्रणाली लागू गरेको हो । उपभोक्ताहरूले खानेपानी सम्बन्धीको विषयमा फोन गर्दा धेरै पैसा काट्ने हुन्थ्यो भने अब टोल फ्रि नं मा फोन गर्दा पैसा नकाट्ने प्रणाली लागू गरि सकिएको प्रगतिनगर खानेपानी तथा सरसफाइ उपभोक्ता संस्थाका अध्यक्ष खिमानन्द भुसालले जानकारी दिनुभयो ।
उपभोक्ताहरूलाई सूचना दिँदा र फोन गर्दा धेरै पैसा खर्च हुने गथ्र्यो अब भने उपभोक्ताहरूलाई सहज बनाउने उद्देश्यले टोल फ्रि नं राखिएको अध्यक्ष भुसालले बताउनुभयो । अब खानेपानीको एउटा नम्बरमा फोन गर्दा उपभोक्ताहरूको मोबाइलबाट पैसा खर्च हुने छैन् ।
खानेपानीमा फोन गर्नुपर्दा मोबाइलमा ब्यालेन्स नहुँदा समस्या हुने गथ्र्याे अहिले संस्थाले टोल फ्रि नं राखेर पैसा नकाट्ने प्रणाली लागू गर्दा उपभोक्ताहरू पनि खुशी भएका छन् ।
प्रविधि, प्रशासन, भौतिक, पानीको वितरण र गुणस्तरलाई व्यवस्थित गर्ने प्रगतिनगर खानेपानी तथा सरसफाइ उपभोक्ता संस्था नेपालको पहिलो खानेपानी संस्था हो ।
