एमाले वडा अधिवेशन : विनयी त्रिवेणीमा दुई वडामा सर्वसम्मत, अन्यको बाँकी

दुम्किबास । नेकपा एमालेको वडा अधिवेशनका क्रममा नवलपुरको विनयी त्रिवेणी गाउँपालिकामा दुई वटा वडाको अधिवेशन सकिएको छ । अन्य पाँचवटा वडाको भने अधिवेशन बाँकी रहेको छ । दुई वटा वडामा सर्वसम्मत रुपमा नयाँ नेतृत्व चयन गरिएको गाउँ कमिटी अध्यक्ष घनश्याम गिरीले बताउनुभयो ।
अध्यक्ष गिरीका अनुसार वडा नम्बर ३ मा कृष्ण बहादुर पाण्डे र वडा नम्बर ५ मा चक्रपाणी तिमिल्सीना शर्माको अध्यक्षतामा नयाँ कमिटि गठन भएको छ ।
बाँकी रहेका वडामा १० गते सम्ममा वडा अधिवेशन सम्पन्न गर्ने अध्यक्ष गिरीले बताउनुभयो । सबै वडामा सर्वसम्मत रुपमा वडा कमिटि गठन गर्ने पहल गरिएको उहाँले बताउनुभयो ।