नेकपा एमालेको वडा अधिवेशन आज , नवलपुरमा तयारी पुरा

नवलपुर ।नेकपा एमालेको देशै भर वडा अधिवेशन आज हुदै छ । यता नवलपुरमा रहेका सबै वडामा समेत आज अधिवेशन हुदै छ । सबै वडामा अधिवेशनको तयारी पुरा भएको नेकपा एमाले जिल्ला कमिटि अध्यक्ष रोशन बहादुर गाहाले बताउनुभयो । वडा अधिवशनमा सके सम्म सर्वसम्म नभएर आन्तरिक स्वस्च्छ प्रतिस्पर्धाबाट वडाको नयाँ नेतृत्व चयन गरिने जिल्ला किमिटि अध्यक्ष गाहाले बताउनुभयो ।
नेकपा एमालेले राज्य पूर्न संरचनापछिको पहिलो अधिवेशन भएकाले प्रथम वडा अधिवेशनका रुपमा वडाको नेतृत्व चयन गर्दै छ । नवलपुरमा ९२ वटा वडा रहेका छन् । सबै वडामा आज हुने अधिवेशनबाट नयाँ नेतृत्व चयन हुनेछन् । लामो समय सम्म तल्लो तहमा पार्टिका गतिविधि सुन्य जस्तै बनेकोमा वडा अधिवेशनले तल्लो तहमा पार्टिका गतिविधि बढ्ने जनाइएको छ । आज वडा अधिवेशन सम्पन्न भएपछि कात्तिक ९ गते पालिका अधिवेशनको तयारी रहेको छ ।