नवलपुरमा बस पल्टिँदा ४२ जना घाइते

कावासोती । नवलपरासी (बर्दघाट सुस्तापूर्व ) नवलपुरमा यात्रु बस दुर्घटना हुँदा ४२ जना घाइते भएका छन् । जिल्ला प्रहरी कार्यालय नवलपरासी पूर्व नवलपुरका प्रहरी नायव उपरीक्षक दिलिप कुमार गिरीका अनुसार आज बिहान साढे १० बजेको समयमा नवलपरासीको त्रिवेणीबाट काठमाण्डौका लागि छुटेको लु १ ख ९४ ७६ नम्बरको बस दुर्घटनामा परेको हो ।
पूर्व पश्चिम राजमार्ग अन्र्तगत नवलपरासी पूर्व नवलपुरको मध्यविन्दु नगरपालिका –१० , अरुणखोला र दुम्किबास बिचको जङ्गलमा आफै अनियन्त्रीत भएर बस पल्टिएको प्रहरी नायव उपरीक्षक गिरीले जानकारी दिनुभयो ।
बस दुर्घटनामा परि घाइते भएका ४२ जना मध्य ३७ जनाको मध्यविन्दु जिल्ला अस्पताल र ५ जनाको दुम्किबासमा उपचार भइरहेको प्रहरी नायव उपरीक्षक गिरीले जानकारी दिनुभयो । घाइते सबै खतरा मुक्त रहेको उहाँले बताउनुभयो ।