कावासोती नगरपालिकाको समन्वयमा प्रभु बैंकबाट शनिबार ज्येष्ठ नागरिकलाई भत्ता बितरण

कावासोती ।  कावासोती नगरपालिकाको समन्वयमा प्रभु बैंकले ज्येष्ठ नागरिकलाई शनिबार समेत सामाजिक सुरक्षा भत्ता बितरण गरेको छ । चाडपर्वको समयमा सामाजिक सुरक्षा भत्ता लिन ज्येष्ठ नागरिकलाई अन्य दिन भिडभाड हुने र असहज हुने भएपछि बैंकले शनिबार सामाजिक सुरक्षा भत्ता बितरण गरेको हो । 

कावासोती नगरपालिका अन्र्तगत वडा नम्बर ८ बाट सामाजिक सुरक्षा भत्ता लिदैं आएका ज्येष्ठ नागरिकलाई प्रभु बैंक कावासोती शाखाले शनिबार बैंक खोली भत्ता रकम प्रदान गरेको हो । 

दशैँको समयमा ज्येष्ठ नागरिकको हात खाली नहोस् र अन्य दिन भिड हुने भएकाले रकम लिन कष्ट हुने भएकाले सहजताका लागि बैंक सँग समन्वय गरि शनिबार रकम बितरण गरिएको कावासोती नगरपालिकाले जनाएको छ ।