छनौट खेल खेलिरहेको २८ बिगाहा युवा क्लबलाई सांसद महतद्धारा ५१ हजार सहयोग

कावासोती । सि डिभिजन छनौट खेल खेलिरहेको कावासोतीको २८ बिगाहा युवा क्लबलाई सांसद तिलक महतले ५१ हजार सहयोग प्रदान गर्नु भएको छ । काठमाण्डौमा छनौट खेली रहेका खेलाडीहरू लाई प्रोत्साहन गर्दै सहयोग प्रदान गर्नु भएको हो ।  कावासोतीका खेलाडीहरूको टोलीलाई काठमाण्डौमा भेटेर सांसद महतले सहयोग रकम हस्तान्तरण गर्दै खेलको सफलताको शुभकामना समेत दिनु भएको छ ।
सि डिभिजन छनौट खेलका लागि कावासोतीको २८ बिगाहा युवा क्लब सहित देश भरका ७८ टिम यति बेला काठमाण्डौमा छनौट खेलमा प्रतिस्पर्धा गरिरहेका छन् । छनौट खेलबाट तीनवटा क्लब  सि डिभिजनमा प्रवेश गर्नेछन् । सि डिभिजनमा प्रवेश गर्ने क्लबले रेलिगेसनमा नपर्दा सम्म सि डिभिजन लिग खेल्न पाउने छन् ।