कावासाती । थारु समुदायका महिलाहरुको पर्व जितियाको अवसर पारेर कावासोती १२ पिठौलीमा आयोजना गरिएको महिला फुटबल प्रतियोगिताको उपाधी अभिषेक चर्च रजहरले जितेको छ ।
अभिषेक चर्च रजहर र भेडावारी महिला फुटवल क्लबबीच भएको फाईनल प्रतिस्पर्धामा निर्धारित समयमा दुवै तर्फबाट गोल हुन नसकेपछि खेल ट्राईब्रेकरमा धकेलिएको थियो ।
ट्राईबे्रकरमा अभिषेक चर्च रजहरले भेडावारीलाई तिन दुई गोल अन्तररले पराजित गरेको हो । विजेता हुदै अभिषेक चर्चले नगद २० हजार नगद ट्रफी , मेडल र प्रमाणपत्र प्रदान गरिएको थियो । दोश्रो हुने भेडावारीले नगद १५ हजार , ट्रफी , मेडल र प्रमाणपत्र प्रदान गरिएको थियो । यस्तै तृतीय भएका दुई वटा समुह अरुणोदय सामुदायिक विकास केन्द्र र माउन्टेन फुटवल क्लबले नगद ५ हजार , मेडल र प्रमाणपत्र प्रदान गरियो ।
यस्तै उत्कृट खेलाडी , जिल्लाको विभिन्न समयमा राष्ट्रिय तथा अन्तराष्ट्रिय स्तरमा खेल खेल्ने महिला खेलाडीहरु र सहयोगीदाताहरुलाई कदरपत्रले सम्मान गरिएको थियो ।
प्रतियोगितामा जिल्लाका पाँच वटा समूहले सहभागिता जनाएका थिए । डाइमण्ड युथ सोसाईटी कावासोती १२ को आयोजनामा भएको प्रतियोगिताको एक औपचारिक कार्यक्रमाबीच समापन समेत गरिएको थियो । कावासोती नगरपालिकाका उपप्रमुख प्रेम शंकर मर्दनीया थारुको प्रमुख आतिथ्यतामा कार्यक्रम भएको हो । कार्यक्रममा कावासोती वडा नं १२ का अध्यक्ष खेम प्रसाद काफ्ले , जिल्ला खेलकूद विकास समितीका अध्यक्ष सेतमान पुन लगायत विभिन्न सामाजिक व्यक्तीत्वहरुको सहभागिता रहेको थियो ।
कार्यक्रम डाइमण्ड युथ सोसाईटीका अध्यक्ष लिलामणी खनालको अध्यक्षतामा भएको हो ।
डाइमण्ड युथ सोसाईटीले प्रतेक वर्ष थारु समुदायको जितिया पर्वको अवसर पारेर विभिन्न खेलकूद प्रतियोगिताहरुको आयोजना गर्दै आएको छ । महिला खेलाडीहरुको हौसला प्रदान गर्नका लागि पनि महिलाका लागि खेलको आयोजना गरेको अध्यक्ष खनालले बताउनुभयो । असोज ८ गतेबाट सुरु भएको प्रतियोगिता ११ गते सकिएको हो ।
