नवलपुर । विकासका कार्यहरूलाई समानुपातिक र सबै जिल्लामा समावेशी बनाउन उर्जा जलश्रोत तथा खानेपानी मन्त्रालय गण्डकी प्रदेशले ‘जनतासँग मन्त्री, समस्या समाधानका लागि मन्त्रालय’ अभियान सुरु गरेको छ ।
मन्त्रलय मातहतबाट हुने नयाँ योजना र पुनर्ननिर्माण गर्नुपर्ने योजनाहरूलाई जनताको प्रत्यक्ष राय लिदै समावेशी बनाउन अभियान सञ्चालन गरिएको गण्डकी प्रदेशका उर्जा जलस्रोत तथा खानेपानी मन्त्री हरिशरण आचार्यले बताउनुभयो । सबै जिल्लामा समावेशी रुपमा विकासका योजना बढाउन अभियान सञ्चालन गरिएको मन्त्री आचार्यले बताउनुभयो ।
‘विगतका विकास असमावेशी प्रकारको भइरको छ, त्यसलाई समावेशी बनाउन पहल गर्नुपर्छ’ मन्त्री आचार्यले भन्नुभयो –यसैले यथार्थ अवस्थाको निरीक्षण गर्नुपर्ने आवश्यकता महसुस गरेर ११ वटै जिल्लामा यो अभियान गर्दै छौं ।
सोही अभियान अन्र्तगत गण्डकी प्रदेशका उर्जा जलस्रोत तथा खानेपानी मन्त्री हरिशरण आचार्यले पूर्वी नवलपरासीको विभिन्न योजनाहरूको निरीक्षण गनुभएको छ । दुई दिन सम्म नवलपुरका सिँचाई, खानेपानीका योजनाको निरीक्षण गर्नुभएको हो ।
नवलपुरमा नारायणी नदिले पुर्याएको क्षति ,बाढी र पहिरोले क्षति पुर्याएको विभिन्न योजनाहरूलाई प्राथमिकतामा राखेर मन्त्री सहितको टोलीले निरीक्षण गरेको हो ।
केरुङ्गे खोलाले कावासोती खानेपानी तथा सरसफाइ उपभोक्ता संस्थाको पूर्वाधारमा पुर्याएको क्षतिको निरीक्षणपछि बोल्दै उहाँले जनतासँग प्रत्यक्ष रुपमा जानुपर्छ ,उहाँहरूको समस्या बुझ्नुपर्छ भन्ने मान्यता मन्त्रालयले राखेको बताउनुभयो । उहाँले गण्डकी प्रदेशका सबै जनतालाई स्वच्छ खानेपानी पुर्याउनुपर्छ भन्ने योजना सहित दुई वर्ष आधारभूत खानेपानीका योजना अगि बढाउने , त्यसपछि बल्ल ट्रिटमेन्ट र फिल्टर प्लान्ट सहितका योजनाहरू अगाडि बढाउने जानकारी दिनुभयो । उहाँले भन्नुभयो – ‘कसैलाई भातैभात कसैलाई पुर्पुरोमा हात भने झैँ कतिपय ठाउँमा मोडेल खानेपानी बनाएको पायौँ , कतिपय ठाउँमा खोलाको दुषित पानी पनि पिउनुपर्ने परिस्थिति देखियो । यस्तो परिस्थितिको अन्त्य गर्दै सबै जनतालाई स्वच्छ खानेपानी उपलब्ध गराउने गरि नीति नै बनाएर काम अघि बढाएका छौँ । ’ मन्त्री आचार्यले भन्नुभयो । उहाँले सबै ठाउँमा समावेशी विकास गर्नुपर्छ भन्ने आफ्नो मान्यता रहेको हुँदा मन्त्रालयले सोही अनुसार योजना बनाएको उहाँले बताउनुभयो । ‘अहिलेको विकास असमावेशी छ । यो परिपाटीको अन्त्य गनुपर्छ भन्ने मान्यता मेरो हो । त्यसैले सबैको पहुँच पुग्नेगरि विकास गर्ने मोडेलमा मेरो मन्त्रालय लागेको छ । ’ उहाँले बाढी पहिरोले क्षति पु¥याएका योजनाहरूको मर्मत सम्भार र निर्माण गर्नका लागि आवश्यक पहल गर्ने प्रतिबद्धता समेत जनाउनुभयो ।
यस्तै यो आर्थिक वर्ष भित्र गण्डकी प्रदेशलाई उज्यालो गण्डकी प्रदेश घोषणाको तयारी गरेको समेत मन्त्री आचार्यले बताउनुभयो ।‘ कतिपय ठाउँमा अझै पनि बिजुली पुगेको छैन् , बिजुली पुगेको ठाउँमा बिजुली मार्फतनै वत्ति बाल्लने, नभए सौर्य उर्जा मार्फत भएपनी टुकि र लालटिङ्मा बस्नु नपर्ने स्थिति बनाउछौ ’ मन्त्री आचार्यले भन्नुभयो ।
मन्त्री आचार्य सहितको टोलीले जिल्लाको गैंडाकोट , देवचुली , कावासोती , मध्यविन्दु नगरपालिका र हुप्सेकोट गाउँपालिकाभित्रका विभिन्न खानेपानी , सिंचाईका योजना , नारायणी नदी र स्थानीय खोलानालाको कटान र डुबानले पारेको क्षतिको समेत निरीक्षण गरेको हो । साथै नयाँ योजनाको आवश्यकता भएका क्षेत्रहरुका बारेमा समेत टोलीले स्थानीयसँग जानकारी लिएको छ ।
