खोलामा सधैँ चोरी, स्थानीय तह मौन: दुम्किबासमा एकैपटक २८ ट्याक्टर समातिए

कावासोती । नवलपरासी पूर्व नवलपुरका बिभिन्न स्थानीय तहमा रहेका खोलाहरूबाट प्रहरी प्रशासनको आँखा छलेर चोरी गर्ने क्रम चलिरहेको छ । नदीजन्य पदार्थ ढुङ्गा,गिट्टी, बालुवा चोरी नियन्त्रणमा प्रहरी लागेपनि  प्रहरीको आँखा छलेर चोर्ने काम रोकिएको छैन् । तर स्थानीय तहले करोडौं राजश्व संकलन गर्ने खोलाहरूको चोरी नियन्त्रणमा भने चासो नदिने गरेका छन् ।
प्रहरीले आज मात्रै दुम्किबासको विनयी खोलाबाट एकै पटक २८ वटा चोरीमा संलग्न ट्याक्टर नियन्त्रणमा लिएको छ । राति १२ बजेर १० मिनेट जाँदाको समयमा विनयी त्रिवेणी २ मा पर्ने विनयी खोलाबाट २८ वटा ट्याक्टर चोरीमा संलग्न हुँदै गर्दा नियन्त्रणमा लिएको जिल्ला प्रहरी कार्यालय नवलपुरका सूचना अधिकारी ,डिएसपी दिलिप कुमार गिरीले बताउनुभयो । राति ११ बजेबाट प्रहरीको विषेश अपरेशन सञ्चालन गरि यि ट्याक्टरहरू नियन्त्रणमा लिइएको उहाँले बताउनुभयो ।
जिल्ला प्रहरी कार्यालय र इलाका प्रहरी कार्यालय दुम्किबासको टोलीले ति ट्याक्टर नियन्त्रणमा लिएको हो । नियन्त्रणमा लिएका ट्याक्टरहरू इलाका प्रहरी कार्यालय दुम्किबासमा राखिएको छ । रातिको समयमा खोलाबाट नदीजन्य पदार्थ चोरी तिव्र बनेको यसले समेत पुष्टि गरेको छ । प्रहरीले रोकथामका लागि प्रयास गरेपनि स्थानीय तहबाट यसको नियन्त्रणका लागि कुनै संयन्त्र नबन्दा पूर्ण रुपमा चोरी नियन्त्रणमा लिन प्रहरी एक्लैलाई हम्मे हम्मे पर्ने गरेको छ । दुम्किाबास, अरुणखोला,मध्यविन्दु, हुप्सेकोट, कावासोती क्षेत्रका सबै जसो खोलाहरूबाट अवैध चोरी हुने गरेको छ । तर यि खोलाहरूको संरक्षण र लाभ लिने स्थानीय तहहरूले भने यसको नियन्त्रणका लागि न कुनै सार्वजनिक रुपमा पहल कदमी लिएको पाइएको छ । न त यसको नियन्त्रणका लागि कुनै सम्यन्त्रनै शसक्त रुपमा परिचालन गर्न सकेकाछन् । करोडौं राजश्व प्राप्त गर्ने श्रोतको संरक्षणमा  स्थानीय तहको मौनता जस्तै रहेको छ । यसले करोडौँ राजश्व गुमिरहेका छन् । सानो रकमका लागि केन्द्र ताक्ने स्थानीय तहले आफ्नै करोडौँको सम्पतीको संरक्षण  र समुचित प्रयोग गर्न भने नसकेको टिप्पणी हुने गरको छ । राजनीतिक स्वार्थका कारण नियन्त्रणमा खासै चासो नदिएका हुन कि भन्ने आरोप लाग्ने गरको छ । चोरीमा संलग्न ट्याक्टरहरुलाई स्थानीय तहले जरिवाना गर्ने गरेको छ ।
चोरिमा संलग्न ट्याक्टरको सूची