कावासोती । निजी तथा आवासीय विद्यालय अर्गनाइजेशन नेपाल प्याब्सन कावासोतीको दोश्रो अधिवेशन शनिबार कावासोतीमा भएको छ । कावासोतीमा भएको अधिवेशनमा बोल्दै कार्यक्रमका प्रमुख अतिथि सांसद तिलक महतले कार्यक्रमको सफलताको शुभकामना व्यक्त गर्नु भएको थियो ।
उहाँले प्याब्सनले गुणस्तरीय विद्यार्थी उत्पादनमा सहयोग पुर्याउँदै आएको बताउँदै प्राविधिक शिक्षा र ज्ञानमा जोड दिँदै जनशक्ति उत्पादनमा योगदान पुर्याउँदै जानुपर्ने बताउनुभयो ।
कार्यक्रममा कार्यक्रममा प्याब्सन केन्द्रिय सचिवालय सदस्य दिपकराज लम्साल,एन प्याब्सन नवलपुरका अध्यक्ष रमेश अधिकारी,रेडियो कावासोतीमा अध्यक्ष विद्रोही गिरी लगायतले शुभकामना मन्तव्य राख्दै गुणस्तरीय शिक्षा प्रदान गर्ने विषयमा प्याब्सन भूमिका खेलेको भन्दै प्राविधिक र व्यवहारिक शिक्षालाई समेत जोड्दै जानुपर्ने बताएका थिए ।
कार्यक्रममा बोल्ने कतिपय वक्ताहरूले निजी विद्यालयलाई बेला बेलामा अझै पनि बिभिन्न डर धम्की दिने काम हुने गरेको यस्तै सरकारको बिभेदकारी व्यवहार रहेको बताएका थिए ।
प्याब्सनमा आवद्ध विद्यालयहरूबाट थप गुणस्तरीय शिक्षा प्रदान गर्न आफूहरू नियमनकारी निकाय सहित सबै सरोकारवाला हरूसँग समन्वय गरेर अगाडि बढ्न सदैव तयार रहेको सञ्चालकहरूले बताएका थिए ।
अधिवेशनको खुला सत्र अध्यक्ष भोजराज दाहालको अध्यक्षता तथा सांसद तिलक महतको प्रमुख आतिथ्यमामा भएको थियो । कार्यक्रममा प्याब्सन केन्द्रिय सचिवालय सदस्य दिपकराज लम्साल, कावासोती नगरपालिका वडा नम्बर २ का वडा अध्यक्ष लक्ष्मि प्रसाद पौडेल, १० का वडा अध्यक्ष खेम प्रसाद काफ्ले, ९ का वडा अध्यक्ष नेत्र प्रसाद खतिवडा, १० का वडा अध्यक्ष टेक नारायण महतो , कावासोती नगरपालिका शिक्षा अधिकृत राजन पाण्डे, लुम्बिनी आदर्श डिग्री कलेजका प्राचार्य बाबुराम राना, प्याब्सन गण्डकी प्रदेशका उपाध्यक्ष हरिहर अधिकारी लगायतको उपस्थिति रहको थियो ।
कार्यक्रमको सहजीकरण त्रिभुवन तिवारीले गर्नुभएको थियो भने स्वागत जगत प्रसाद भट्टराईले गर्नुभएको थियो । प्याब्सन कावासोतीमा कावासोती नगरपालिका भित्रका १४ वटा विद्यालय आवद्ध रहेका छन् । यसै बिच दाेश्राे अधिवेशनले त्रिभुवन तिवारीकाे अध्यक्षतामा नयाँ कार्यसमिति चयन गरेकाे छ ।
