नवलपुरमा एमालेको गतिविधि तिव्र बन्दै, दलदलेको भेलामा उत्साहजनक उपस्थिती (फोटो फिचर सहित)

दलदले । नेकपा एमाले नवलपुरले नवलपुरको दलदलेमा भेला तथा प्रशिक्षण कार्यक्रम सम्पन्न गरेको छ ।  तत्कालीन समयमा माओवादीसँग पार्टी एकता गरेयता सुस्त रहेको पार्टी गतिविधि क्रमश बढ्दै गएको छ । नेकपा एमालेले अहिले आफ्ना गतिविधि नियमित रुपमा सञ्चालन गर्न थालेको छ । यसैको स्वरुप दलदलेमा भेला तथा प्रशिक्षण कार्यक्रम सम्पन्न गरेको हो । भेलामा जिल्लाका सबै स्थानीय तहबाट अगुवा कार्यकर्ताको उत्साहजनक सहभागिता रहेको थियो । भेलामा नेकपा एमालेका बिभिन्न नेताहरूले सम्बोधन गरेका थिए । 

नेकपा एमालेका नेता , प्रदेश संयोजक किरण गुरुङ्गले नेकपा एमाले  विभाजन नभएको  र नचोईटिएको बताउनुभएको छ । शुक्रबार नवलपुरको दलदलेमा आयोजना गरिएको बृहत् कार्यकर्ता भेला तथा प्रशिक्षण कार्यक्रममा बोल्दै उहाँले भन्नुभयो – गण्डकी प्रदेशमा नेकपा एमाले विभाजन भएको छैन् । त्यतिमात्रै होइन सिङ्गो नेपालमा नेकपा एमाले विभाजन भएको छैन् । चोइटिएको छैन् । नेकपा एमालेमा एउटा शुद्धीकरण अभिान चलेको छ । ’ एमाले पार्टी भनेको नारायणी नदी जस्तै भएको तर्क गर्दै उहाँले भन्नुभयो । ‘नारायणी नदी जति भङ्गालो फाटेपनी नारायणी नदी विभाजन हुँदैन यसको मूल धार निरन्तर रुपमा अगाडि बढेको छ ।  त्यस्तै एमाले हो । एमालेबाट दुईचार जना जाँदैमा एमाले विभाजन हुने होईन् । ’ प्रतिक्रियावादीहरूले एमाले विभाजन गराउन षड्यन्त्र गरेको बताउनुभयो । माधव नेपाललाई प्रयोग गरेर एमाले विभाजन गर्न खोजिएको भएपनि त्यसो हुन नसकेको उहाँले बताउनुभयो । नेता गुरुङले माओवादी पार्टी हराउँदै जाने समेत बताउनुभयो । माधव नेपाल र प्रचण्डले अबको निर्वाचन जित्ने ठाउँनै नरहेको उहाँले बताउनुभयो । 

नेकपा एमालेका नेता एवम् पूर्व गृहमन्त्री खगराज अधिकारीले  श्रीमान ५ को आदेशले गठन गरेको  परमादेश सरकारले डेटिङमा काम गरेकाले संवैधानिक ब्यवस्था भत्किएको बताउनु भएको छ । दल भन्दा बाहिर मत हाल्न पाउनु भनेको निर्दलीय अभ्यास भएको उहाँले बताउनुभयो । त्यो अदालत, निर्वाचन आयोगको सेटिङले संवैधानिक दायरा नाग्दा एमालेले खबरदारी गर्नु परेको नेता अधिकारीले बताउनुभयो ।  अहिले तथाकथित गठबन्धनका कारण संसद् अवरुद्ध  भएको हो ।  यो सेटिङ नभत्काउदा सम्म संसद् अवरुद्ध  कायम रहन्छ  उहाले भन्नूभयो –’ सभामुख हुन नसक्ने कुपात्र अग्नि सापकोटा सभामुख हुँदा संवैधानिक मर्यादा कायम हुन सकेन, सेटिङ नभत्के सम्म सदन अवरुद्ध हुन्छ ।

पूर्व कृषि मन्त्री समेत रहनुभएको एमाले नेतृ पद्यमा अर्यालले पार्टी एकीकरण हुँदा  सङ्गठनका विभिन्न कामहरू सबै ठप्प भएको बताउँदै अब एमाले पार्टी भएपछि सांगठनिक गतिविधि तीब्र पारिएको बताउनुभयो । उहाँले एमाले सकियो भन्ने कसैले ठानेको भए त्यो भ्रम हुने भन्दै , कुनै व्यक्तिले बाटो बिराउदैमा आन्दोलन समाप्त नहुने बताउनुभयो । 

एमाले केन्द्रिय सदस्य तथा नवलपुर जिल्ला ईन्चार्ज तिलक महतले अहिलेको सरकार सुकुम्बासी , गरीब र निमुखा जनताको सरकार नभएको टिप्पणी गर्नुभयो । उहाँले भन्नुभयो ।  परमादेशको यो सरकार आएको भोलीपल्टैबाट भुमिहीन सुकुम्बासी , दलित समुदायलाई लालपुर्जा दिन जग्गा समेत नापी भईरहको  अवस्थामा आयोग नै खारेज गरेर यो सरकारले सुकुम्बासी जनताको हकअधिकारमाथी लात्ती हान्ने काम गरेको बताउनुभयो । उहाँले  नवलपुर जिल्लामा सबै जनप्रतिनिधीहरु एमालेभित्र रहेको भन्दै नवलपुरमा एमाले एक रहेको बताउनुभयो ।  पार्टीलाई जिल्लामा थप शसक्त बनाउदै लगिन उहाँले बताउनुभयो ।  कतिपयलाई  पार्टी जेठ २ मा फर्कियनकी भन्ने चिन्ता रहेको बताउँदै पार्टी जेठ २ मानै फर्किने बताउनुभयो । पार्टीलाई साथ दिने सबैको व्यवस्थापन हुने गरि पार्टी जिल्लामा अगाडी बढ्ने उहाँले बताउनुभयो । स्थानीय तहको निर्वाचन नजिकिएको बताउँदै नवलपुरमा कहीँपनी दोश्रो हुने छुट नभएको भन्दै शसक्त रुपमा जिल्लामा पहिलो पार्टी बनाउने गरि लाग्न आवश्यक रहेको उहाँले बताउनुभयो ।
केन्द्रिय सदस्य रविन्द्र अधिकारीले एउटा एमाले हुदाँ हुदै अर्को एमाले पार्टीको आवश्यकता नभएको बताउनुभयो । माधव नेपाल प्रति लक्षित गर्दै उहाँले कुनै विचार र सिदान्त भन्दा फरक नभएको जिकिर गर्दै  भन्नुभयो‘ अहिले माओवादीले समेत विचार र सिद्धान्तका आधारमा एमाले भन्दा फरक भएको पुष्टि गर्न सकेको छैन् भने अर्को पार्टी एमाले जस्तै किन चाहियो’ । पार्टी भित्रका अन्तरबिरोधहरु पार्टी भित्रै संघर्ष गरौं भन्दा माधव नेपाल अलगबाटोमा लागेको उहाँले बताउनुभयो । ‘माधव नेपालको समूहमा १३ जना स्थायी कमिटि सदस्य रहेकोमा १० जनाले पार्टी एकतामा जाउ भन्दा तीन जनाको निर्णय हावी हुन्छ भने माधव नेपालले उठाएको विधि र प्रणालीको कुरा कहाँ हरायो।’ केन्द्रिय सदस्य अधिकारीले भन्नुभयो ।
नवलपुरको दलदलेमा भएको कार्यक्रममा नेपाली काङ्गे्रस , माओवादी, जसपा परित्याग गरि नेकपा एमालेमा प्रवेश गर्नेहरुलाई एमाले नेताहरूले स्वागत गरेका थिए । भेला जिल्ला कमिटि अध्यक्ष रोशन बहादुर गाहा मगरको अध्यक्षता तथा सचिव जिवन श्रेष्ठको सञ्चालनमा भएको थियो ।