देवचुली । नवलपुर प्रहरीले जिल्लाको देवचुली नगरपालिका – ७ , सिताबासबाट जुवातास खेलिरहेका ६ जनालाई पक्राउ गरेको छ । प्रहरीले स्थानीय शंकर न्यौपानेको घरमा जुवातास खेलिरहेको अवस्थामा नगद १६ हजार चार सय ७० रुपैयाँ सहित ६ जनालाईृ पक्राउ गरेको हो ।
पक्राउ पर्नेमा देवचुली न.पा. ७ का वर्ष ३२ को होम बहादुर बाचे, सोही स्थान बस्ने वर्ष ३३ को यम ब. बि.क., देवचुली–१२ का वर्ष २६ को हिरा बाचे, सोही स्थान बस्ने वर्ष ४८ को वीर बहादुर तामाङ, वर्ष २७ को बिनोद न्यौपाने र वर्ष ३४ को जुद्धराम सुनार रहेको जिल्ला प्रहरी कार्यालय नवलपरासी पूर्व नवलपुरका प्रहरी नायब उपरीक्षक गिरीले बताउनुभयो ।
पक्राउ परेका व्यक्तिहरूलाई हिरासतमा राखेर मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अगाडि बढाएको उहाँले बताउनुभयो ।
यस्तै नवलपुर प्रहरीले लागूऔषध नाईट्रोभेट सहित मध्यविन्दु–५, का पवन बोहरालाई पक्राउ गरेको छ । मध्यविन्दु–७, चोरमाराको धजाहा चोकबाट बोहरालाई दुई सय ९७ थान नाईट्रोभेट सहित पक्राउ गरेको जिल्ला प्रहरी कार्यालय नवलपरासी पूर्वका प्रहरी नायव उपरिक्षक गिरीले बताउनुभयो ।
प्रहरी टोलीले लु ५७ प २९०४ नम्बरको मोटरसाइकलमा बसिरहेका बोहरालाई शंका लागि खानतलासी गर्दा मोटरसाइकलमा लुकाई राखेको अवस्थामा लागूऔषध बरामद गरेको थियो ।
