कावासोती । नवलपरासी (बर्दघाट सुस्तापूर्व ) नवलपुरको गैँडाकोट स्थित नारायणी नदिको पुलबाट हाम फालेर एक जना युवक वेपत्ता भएका छन् ।
आज दिउसो गैँडाकोट स्थित नारायणी नदिको पुलबाट हाम फालेर रूपन्देही देवदह नगरपालिका–१०, का २४ वर्षीय बिक्रम खत्री बेपत्ता भएको जिल्ला प्रहरी कार्यालय नवलपरासी पूर्वका प्रहरी नायब उपरीक्षक दिलिप कुमार गिरीले बताउनुभयो ।
युवकले हाम फालेको स्थानमा फेला परेको झोलाबाट युवकको परिचय खुलेको उहाँले बताउनुभयो । घटना लगतै उनको खोजी कार्य जारी रहेको भएपनि हालसम्म फेला नपरेको प्रहरी नायब उपरीक्षक गिरीले बताउनुभयो ।
यस्तै नवलपुरको विनयी त्रिवेणी गाउँपालिका–५, मा रहेको भैँसेखोलामा डुबेर एक बालकको मृत्यु भएको छ । विनयी त्रिवेणी–५, देउरालीका पाँच वर्षीय बसन्त तरामु मगरको खोलामा डुबेर मृत्यु भएको हो ।
खोलामा डुबेको अवस्थामा भेटिएका बसन्तलाई उपचारको लागि मध्यबिन्दु जिल्ला अस्पताल डण्डा लगिएकोमा चिकित्सकले मृत घोषणा गरेको प्रहरी नायब उपरीक्षक गिरीले बताउनुभयो ।
