उपभोक्ता समितिको काममा हेभी मेसिन प्रयोग, दर्ता विनाका समितिबाट काम !

नवलपुर । स्थानीयतहरुले बिभिन्न आयोजना सञ्चालन गर्दा उपभोक्ता समिति मार्फत गर्ने गरेका छन् । उपभोक्ता समितिबाट काम गर्दा हेभी मेसिनको प्रयोग गर्न नपाई व्यवस्था रहेको भएपनि समितिले मेसिनको प्रयोग गरि काम गरेको महालेखा परीक्षक कार्यालयको प्रतिवेदनले औँल्याएको छ ।
सार्वजनिक खरिद नियमावली  ,२०६४ को नियम ९७को नियम उपनियम ९मा उपभोक्ता समिति वा लाभग्राही समुदायबाट सञ्चालित हुने निर्माण कार्यमा डोजर,एक्साभेटर,लोडर ,रोलर,गे्रडर जस्ता हेभी मेसिनरी प्रयोग गर्न नमिल्ने व्यवस्था रहेको छ । तर कतिपय स्थानीय तहले अनुमति नलिई उपभोक्ता समिति मार्फत भएका काममा हेभी मेसिनरी प्रयोग गरिएको प्रतिवेदनमा उल्लेख गरिएको छ ।

महालेखाले उपभोक्ता समितिमाथिनै प्रश्न गरेको छ । वैधानिक रुपमा समिति दर्ता नभएको र अस्थाई प्रकृतिको हुँदा आयोजनाको सञ्चालन र रेखदेखमा दायित्व नहुने ,आयव्ययको लेखा परिक्षण समेत नगराउने हुँदा स्थायी संयन्त्र मार्फत काम गर्ने ,गराउने गरि सुधार गर्नुपर्ने जनाएको छ ।

यस्तै समिति मार्फत सिमा भन्दा बढीको काम गरिएको समेत महालेखाले जनाएको छ । महालेखाले सार्वजनिक खरिद नियमावलीमा सार्वजनिक निकायले स्वीकृत नम्र्सको आधारमा निर्माण कार्यको लागत अनुमान तयार गर्नुपर्ने व्यवस्था रहेपनि नम्स बढी रकमको लागत अनुमान स्वीकृत गरी २३करोड बढी भुक्तानी दिइएकोमा सो असुल गर्नुपर्ने जनाईएको छ ।
उपभोक्ता समितिका काममा महालेखाले उठाएका सबालहरू