बुलिङटारमा प्रतिस्पर्धा बिना कालिगण्डकीमा ठेक्का , १३ लाख ४७ हजार दाखिला गर्नु : महालेखा

कावासोती । नवलपरासी पूर्व नवलपुरको बुलिङटार गाउँपालिकाले कालिगण्डकी नदिबाट ढुङ्गा गिट्टी ,बालुवा प्रतिस्पर्धा विना निकाल्दा असुल गर्नुपर्ने भ्याट रकम दाखिला गर्न महालेखाले भनेको छ । महालेखा परिक्षकको अन्ठाउन्नौ प्रतिवेदनमा मूल्य अभिवृद्धि करको १३ लाख ४७ हजार दाखिला नगरेको भन्दै उक्त रकम असुल गरि सम्बन्धीत खातामा दाखिलाको लागि भनिएको छ ।

प्रतिवेदनमा भनिएको छ‘ कालिगण्डकी नदिको बिभिन्न घाटबाट ढुंगा,गिट्टी ,बालुवा संकलन कार्य प्रतिस्पर्धा नगराई १ करोड ३ लाख ६७ हजार शुल्क लिने सम्झौता गरेकोमा मूल्य अभिवृद्धि कर १३ लाख ४७ हजार असुल गरेको छैन । उक्त रकम असुल गरि सम्बन्धीत खातामा दाखिला गनूपर्दछ’ । बुलिङटार गाउँपालिकामा महालेखाको प्रतिवेदन अनुसार २ करोड ५७ लाख १७ हजार बेरुजु रहेको छ ।