कावासोतीमा गैंडाको आक्रमणबाट एकजना गम्भीर घाइते

कावासोती । नवलपरासी पूर्व नवलपुरमा गैंडाको आक्रमणबाट एक जना पुरुष गम्भीर घाइते भएका छन् । आज दिउसो स्थानीय गुन्द्रही ढकाहा सा.व. नजिकै भैंसी चराउन गएका कावासोति–१५ का ४८ वर्षीय यामनारायण महतो गम्भीर घाइते हुनुभएको हो ।

गैंडाको अक्रमणबाट महतोको कोखो तथा शरीरका विभिन्न भागमा चोट पुगेको प्रहरीले जनाएको छ । गैंडाको अक्रमणपछि घाइते हुनुभएका महतोलाई मध्यविन्दु जिल्ला अस्पताल नवलपुरले प्राथमिक उपचारपछि थप उपचारको लागि भरतपुर जिल्ला अस्पताल चितवन रिफर गरिएको छ ।