मध्यविन्दुबाट जुवाखेलीरहेका ८ जना पक्राउ

चोरमार । नवलपुर प्रहरीले जिल्लाको मध्यविन्दु–६ टाँडीबाट जुवातास खेलिरहेको समयमा ८ जनालाई पक्राउ गरेको छ । मध्यविन्दु–६ का शत्रुघन थापाको घरमा हारजित हुने गरी तास खेलिरहेको अवस्थामा ८ जनालाई पक्राउ गरेको जिल्ला प्रहरी कार्यालय नवलपरासी पूर्वका इन्स्पेक्टर मधु सिंले जानकारी दिनुभयो ।

प्रहरीले उनिहरुको साथबाट नगद ३६ हजार ६ सय ८० रुपैया समेत बरामद गरेको छ । पक्राउ पर्नेहरुमा मध्यविन्दु नगरपालिका ६ का ६० वर्षीय शत्रुघन थापा, ५१ वर्षीय गंगाराम थारु, ५६ वर्षीय मिना कुमारी रावल थापा, मध्यविन्दु ५ का ६० वर्षीय रेवती रमन घिमिरे , २८ वर्षीय लालबहादुर नेपाली , मध्यविन्दु ७ बस्ने ४४ वर्षीय दोरणलाल श्रेष्ठ, ४० वर्षीय सुरेश बोहरा, मध्यविन्दु ८ बस्ने ४९ वर्षीय अशोक गुरुङ रहेकाछन् ।

पक्राउ परेकाहरुलाई हिरासतमा राखेर अनुसन्धान भइरहेको सिंले जानकारी दिनुभयो । उनिहरुलाई मुलुकी अपराध संहिता २०७४ को परिच्छेद ५ को दफा १२५ बमोजिम कसुर अन्तर्गत अनुसन्धान कार्य अघि बढाईएको इन्स्पेक्टर मधु सिंले जानकारी दिनुभयो ।