बौदीकालीको बजेट ३९ करोड बढी:कोभिड नियन्त्रणलाई प्राथमिकता,पूर्वाधार विकासमा जोड

नवलपुर । नवलपुरको बौदीकाली गाउँपालिकाले आगार्मी आर्थिक वर्षका लागि ३९ करोड ३७ लाख १० हजार बराबरको बजेट ल्याएको छ । गाउँपालिकाको पाँचौ गाउँसमाभा आगामि आर्थिक वर्षकालागि उपाध्यक्ष मायादेवी श्रेष्ठले सो रकम बराबरको बजेट प्रस्तुत गर्नु भएको थियो ।
गाउँपालिकाले आगामी आर्थिक वर्षकाको नीति तथा कार्यक्रम पारित गरेको छ । गाउँसभामा अध्यक्ष दुर्गा बहादुर रानाले प्रस्तुत गर्नुभएको नीति तथा कार्यक्रमले कोभिड महामारी नियन्त्रणलाई जोड दिएको छ । यसको रोकथाम तथा न्यूनिकरणकालागि कोभिड अस्पताल र सबै संस्थाहरुको क्षमता विकासमा जोड दिईएको छ ।
व्यवसायीक कृषि लाई नीति तथा कार्यक्रमले जोड दिएको छ । व्यवसायिक तरकारी, फलफुल खेती तथा पशुपालन मार्फत रोजगारी शिर्जनामा नीति तथा कार्यक्रम केन्द्रित रहेको छ ।
नीति तथा कार्यक्रमले गाउँपालिका भित्र पर्यटन प्रर्वद्धन,धार्मिक तथा सास्कृतिक र प्राकृतिक सम्पदाको विकास र प्रर्वद्धनमा समेत जोड दिएको छ ।
गाउँपालिका भित्रका सडकहरु सबै मौसममा चल्ने गरि सडक मर्मत,निर्माण र स्तरोन्नती गर्ने नीति तथा कार्यक्रममा उल्लेख गरिएको छ ।
गाउँपालिका भित्र १५ शैयाको अस्पताल र गाउँपालिकाको प्रशासनिक भवन निर्माणको थालनी गर्ने ,सबै वडा कार्यालहरु निर्माण सम्पन्न गर्ने लक्ष्य नीति तथा कार्यक्रमले लिएको छ ।