तटीय क्षेत्रका बासिन्दाको जिउधनको रक्षाकालागि मेरो निरन्तर पहल रहनेछ,यसमा सबै मिलेर लागौं : निवर्तमान सांसद महत

नवलपुर । लगातार परेको वर्षाका कारण नारायणी नदिले पुर्याएको क्षतिको निवर्तमान सांसद तिलक महत , प्रमुख जिल्ला अधिकारी मनमाया पंगेनी, नवलपुर प्रहरी प्रमुख प्रकाश मल्ल सहितको टोलीले निरिक्षण गरेको छ । लगातार परेको पानीका कारण नारायणी नदिमा पानीको बहाव बढ्दा कावासोती ,मध्यविन्दु लगाएतका स्थानीय तहका बिभिन्न स्थानमा डुबान र कटान भएपछी टोलीले निरिक्षण गरेको हो ।

कावासोतीको अमलटारी मध्यविन्दुको ब्रह्मस्थान, रतनपुर, नन्दपुर ,सेहरी लगाएतको क्षेत्रको निवर्तमान सांसद सहित प्रशासनको टोलीले निरिक्षण गरेको हो ।
नदिले पुर्याएको क्षती र आगामी दिनमा पुर्याउन सक्ने क्षतीको पूर्वानुमान गरि यसको रोकथामकालागि लागि योजना बनाउन नदि तटिय क्षेत्रको निरिक्षण गरिएको हो ।
निवर्तमान सांसद महतले नदिले अमलटारी क्षेत्रमा केही होटलहरु डुबानमा परेको र केही घरहरु पानी बढदै गए डुबानमा पर्न सक्ने भएकाले स्थानीय जनप्रतिनिधी र प्रशासनलाई सतर्क अवस्था रहन आग्रह गर्नुभयो । उहाँले जोखिम क्षेत्रका घरका बासिन्दाहरुलाई सुरक्षित रुपमा रहने व्यवस्था आवश्यकता अनुसार गर्दै जानुपर्ने बताउनुभयो । जोखिमको पहिचान गरि समयमै व्यस्थापना सबै मिलेर लाग्नुपर्ने निवर्तमान सांसद महतले बताउनुभयो ।
ब्रह्मस्थान, रतनपुर,नन्दपुर ,सेहरी क्षेत्रमा नदिले कटान गरेकाले यसको नियन्त्रणकालागि पहल थाल्ने बताउनुभयो । यि क्षेत्रमा गत वर्ष स्परहरु निर्माण र ठूला ढुङ्गाहरु राखिएकाले अहिले कम कटान भएको छ । नदिमा ब्रह्मस्थान सहित सेहरीमा सरकारले नदि नियन्त्रणकालागि बजेट विनियोजन गरि काम सुरु गरेको भएपनी ठेकेदार कम्पनीले समयमा काम नसकेकोमा निवर्तमान सांसद महतले असन्तुष्ट व्यक्तगर्नुभयो । यस क्षेत्रमा अहिले पनि नदि नियन्त्रणका काम भईरहेका छन् । निर्वतमान सांसद तिलक महतले तटिय क्षेत्रका बासिन्दाको जिउ धनको रक्षकालागि आफुले निरन्तर पहल गरिरहने बताउनुभयो ।

प्रमुख जिल्ला अधिकारी मनमाया पंगेनीले तटिय क्षेत्रका बासिन्दालाई सचेत रुपमा रहन अनुरोध गर्नुभयो । उहाँले प्रशासनको तर्फबाट आगामी दिनमा आउन सक्ने विपद र त्यसको जोखिम व्यवस्थापनकालागि सबै सुरक्षा निकाय तयारी अवस्थामा रहेको बताउनुभयो । गण्डक व्यारेजका ढोकाहरु समयमै खोल्नाले नवलपुर क्षेत्रमा नारायणी नदिको तटिय क्षेत्र डुबानबाट हुने थप क्षति रोकिएको प्रमुख जिल्ला अधिकारी पंगेनीले बताउनुभयो । भारतसंगको समन्वयमा मंगलबारनै ब्यारेजका सबै ३६ वटा ढोका खोलिएको थियो ।

जिल्लामा बाढीका कारण हुन सक्ने कटान ,डुबान, पहिरो आदिबाट हुने क्षतिलाई रोक्न तथा क्षतिको न्यूनिकरणकालागि प्रशासनको तर्फबाट सरोकारवालाहरुसंग समन्वय र पहल भईरहेको प्रमुख जिल्ला अधिकारी मनमाया पंगेनीले बताउनुभयो ।  रिनिक्षणको टोलीमा, कावासोती नगरपालिका वडा नम्बर १७ का वडा अध्यक्ष छविलाल महतो , सुकुम्बासी समस्या समाधान आयोज नवलपुरका सदस्य,  एमाले नेता भिमलाल अधिकारी लगाएतको सहभागिता रहेको थियो ।