नवलपुर । राष्ट्रिय युवा संघ नेपाल नवलपुरले खाद्यान्न सहयोग गरेको छ । युवा संघ नेपाल नवलपुरले बुधबार कावासोतीमा रहेको लुम्बिनी प्लसलाई खाद्यान्न सहयोग गरेको हो । कोभिड १९ का कारण जारी निषेधाज्ञाले दैनिक ज्याला मजदुरी गरेर खाने परिवारलाई समस्या भएकाले उनिहरुलाई राहात स्वरुप खाद्यान्न बितरण गरिएको राष्ट्रिय युवा संघ नेपाल नवलपुर संयोजक कृष्ण कंडेलले बताउनुभयो । लुम्बिनी प्लसमा आवद्ध ३५ घर परिवारकालागि खाद्यान्न बितरण गरिएको हो ।
खाद्यान्न बितरण गर्दै निवर्तमान सांसद ,नेकपा एमालेका केन्द्रिय सदस्य एवं जिल्ला इन्चार्ज तिलक महतले युवा संघ नेपाल विपदमा सहयोगकालागि तत्पर छ भन्ने सन्देश दिएको बताउनुभयो । सधैं नारा जुलुस भन्दा पनि बिभिन्न पिडा र समस्यामा परेकाहरुको सहयोगमा युवा संघ लागेको भन्दै धन्यवाद दिनुभयो ।
सहयोग ठूलो सानो भन्दा पनि अफ्ठ्यारोमा पर्दा सम्झीदा मात्रै समस्यामा परेकालाई साहास मिल्ने बताउदै युवा संघको अभियानको प्रसंसा गर्नुभयो ।
लुम्बिनी प्लसकी अध्यक्ष निर्मला पौडेलले विपदको समयमा संस्थामा आवद्ध भएका व्यक्तीहरुलाई युवा संघ नेपाल नवलपुरले सहयोग गरेकोमा धन्यवाद दिनुभयो । संस्थामा आवद्ध करिब तीन सय ५० परिवार मध्य धेरैले रोजगारी गुमाएकाले समस्या परेको भन्दै यस्तो बेलामा युवा संघले सहयोग गरेकोमा संस्थाको तर्फबाट आभार प्रकट गर्नुभयो । लुम्बिनी प्लसले नवलपरासी पूर्व र पश्चिममा एचआईभि संक्रमितिको उपचार ,हेराचारमा काम गर्दै आएको छ ।
युवा संघ नेपाल नवलपुरले बुधबारनै कावासोती आठमा रहेको मौलाकालीका अपाङ्गता केन्द्रको लागि बेड बिस्तार सहयोग गरेको छ । यहाँ रहेकाहरुको सहज बसोबासहोस भनेर बेड बिस्तारा सहयोग गरेको संयोजक कंडेलले बताउनुभयो ।
कावासोतीमा भएका कार्यक्रममा, गैडोकोट ५ का वडा अध्यक्ष नवराज कंडेल , युवा संघमा आवद्ध युवाहरु, अनेरास्ववियु केन्द्रिय सदस्य नेल्सन सुवेदी,साइबर सेनाका नवलपुर संयोजक प्रविन सापकोटा लगाएतको सहभागिता रहेको थियो ।
युवा संघ नवलपुरले बिभिन्न संघ सस्था मार्फत सामाजिक उत्तरदायित्वका रुपमा लिएर सहयोग गर्दै आएको जिल्ला संयोजक कडेंलले बताउनुभयो । युवा संघ नवलपुरले यस अघि गैडाकोट १, कावासोती १२ पिठौली स्थित बृद्धा आश्रम, गैडाकोट नगर अस्पतालमा दुई लाख बराबरको सहयोग गरिसकेको छ । युवा संघ नेपाल नवलपुरको यो अभियान निरन्तर चलिरहने र सबै स्थानीय तहसम्म जाने संयोजक कंडेलले बताउनुभयो । उहाँले सहयोगको यो अभियानमा हातेमालो गर्ने सबै प्रति धन्यवाद दिनुभयो ।
