हिंसा प्रभावितका लागि आश्रय स्थल बनाउदै कावासोती नगरपालिका

कावासोती । नवलपुरको कावासोती नगरपालिकाले हिंसा प्रभावितकालागि आश्रय स्थल बनाउने भएको छ । नगरपालिकाले हिंसा प्रभावितहरुलाई राख्नको लागि अल्पकालिन आश्रय सहितको सेवा केन्द्र स्थापना गर्न लागेको नगरपालिका प्रमुख प्रशासकिय अधिकृत रमेश घर्तीले बताउनुभयो ।
कतिपय हिंसाका घटनामा परेकाहरुलाई अल्पकालिन रुपमा राख्ने आश्रय स्थल नहुदा समस्या हुने गरेकाले यसको स्थापना गर्न लागिएको उहाँले बताउनुभयो ।

आश्रय सहितको सेवा केन्द्र स्थापनाकालागि अहिले नगरपालिकाले घर भाडामा खोजिरहेको प्रमुख प्रशासकिय अधिकृत घर्तीले बताउनुभयो । चाडै सुरक्षाकर्मी , सहयोगि , मनोपरामर्शकर्ता सहितको सेवा केन्द्र स्थापन गरिने उहाँले बताउनुभयो । आश्रय स्थल निर्माणले बिभिन्न हिंसामा परेकाहरुको अल्पकालिन रुपमा संरक्षणका लागि सहयोग पुग्ने छ ।