हुप्सेकोटबाट एक थान भरुवा बन्दुक बरामद

चोरमारा । नवलपरासी पूर्व नवलपुरको हुप्सेकोट गाउँपालिका–२ गुहेरीबाट एक थान भरुवा बन्दुक बरामद भएको छ । आइतबार बिहान जिल्ला प्रहरी कार्यालय नवलपरासी (बर्दघाट सुस्ता पूर्व)को गस्ती टोलिले बाटोको छेउमा लुकाएर राखिएको अवस्थामा एक थान एकनाले भरुवा बन्दुक बरामद गरेको डिएसपी दिलिप कुमार गिरीले बताउनुभयो ।
सो क्षेत्रमा बन्दुकहरु प्रयोग हुने गरेको भन्ने सुचनाको आधारमा प्रहरीले गस्ती गरेको थियो । बेवारिशे अवस्थामा फेला परेको उक्त बन्दुक प्रहरीको गस्ती टोलि देखिपछि लुकाएर गएको हुन सक्ने उहाँले बताउनुभयो । सो सम्बन्धमा अनुसन्धान भइरहेको उहाँले बताउनुभयो ।
लोड गरिएको अवस्थामा फेला परेको उक्त बन्दुकमा बारुद मात्रै रहेको र छर्राभने नभएको उहाँले बताउनुभयो ।